New Era Newspaper

New Era Epaper
Icon Collap
...
Home / A dhipaga kuume ke komiihole omanga ina iyaha ye mwene

A dhipaga kuume ke komiihole omanga ina iyaha ye mwene

2020-10-22  Victoria Kaapanda

A dhipaga kuume ke komiihole omanga ina iyaha ye mwene

Omulumentu gwomimvo (39) Martin Mupopiwa, okwa yaha kuume ke komiihole momutse nondjembo n kusa, omanga ina iyaha momutse nondjembo ye mwene mEtiyali mOvenduka.

Sha ikolelela kepeko lyopolisi, oshiningwanima shoka osha holoka molukanda Ombili, moshitopolwa shaKhomas.
Otaku hokololwa kutya, omulumentu ngoka okwa li a yaha yina yuunona we uyali, sho a li a tindi okuninga shoka te mu lombwele.
Opolisi oya ti, aaholike mbaka okwa li haya zi pamwe, nomukiintu ngoka a tseyika nedhina Ndapewa Moses, oomvula dhe inadhi tseyithwa, okwa li a shuna a ka ze naakwanezimo ye kOmbili.

Otaku hokololwa kutya Mupopiwa okwa li a yi Etiyali ndyoka  kOmbili, a ka pula Moses a shune kombashu ya wo kOkahandja Park mOvenduka, ihe Moses okwa tindi.

Shoka anuwa osha etitha Mupopiwa a yahe kuume ke komiihole nondjembo momutse e ta iyaha ye mwene natango momutse.
Kape na uuyelele natango kutya oshike, omukiintu ngoka a li ta tindi ko kombashu yawo, nomolwaashike a li a tembuka ko.
Aakwanezimo ayehe oya tseyithilwa, nomakonakono gopolisi oge li metifa.
 


2020-10-22  Victoria Kaapanda

Tags: Khomas
Share on social media