New Era Newspaper

New Era Epaper
Icon Collap
...
Home / A dipawa komutekulu nasuwala shaye molwepangwe

A dipawa komutekulu nasuwala shaye molwepangwe

2022-10-28  Festus Hamalwa

A dipawa komutekulu nasuwala shaye molwepangwe

Omulumenhu weedulu 44 okwa fya eshi a dengwa komutekulu waye weedula 36 noshoyo kusuwala shaye ou vati a hombola mumwainakadona konima eshi kwa li tave lidenge, tava kondjele epangwe. Oshiningwanima eshi osha ningilwe momafiku momafiku 04 omwedi wa djako molukanda Mondesa moSwakopmund. 

Nakufya okwa tongololwa oye Ri chard Gol iath omukalimo womoSwakopmund. 

Omupopiliko wopolifi moshitulwa Erongo Inspector Ileni Shapumba okwa hokolola ta ti nakufya nomukainhu waye okwa li va ka talela po mumwainakadona keumbo laye ashike vati eshi va fika meumbo ova hanga suwala waye nomutekulu ou ve li ovafekelwa tava shilile omapangwe meumbo. 

Okudja opo nakufya okwe va pula opo naye a nwe ko kepangwe lavo ashike omutekulu waye kakwa li a hala xekulu a shile ko. Opolifi oya hokolola tai ti okudja opo nakufya pamwe nokufekelwa ou e li omutekulu waye ova tameka tava tanguna fiyo tashi eta olwoodi pokati kavo. 

Vati eshi va tameka olwoodi omufekelwa ou e li suwala shaye naye okwa ponoka ko ndele tava langula Goliath neengonyo. 

Mumwainakadona okwa kala ta ningi eenghendabala doku va kufa kumwe ashike onghee ngaa va kala tava twikile nokulidenga. Opolifi oya hokolola tai ti okudja opo nakufya okwa kala a nyika ounghundi eshi alushe a kala ta ti ota vele omutwe, monhulo nomeemhati. 

Momafiku13Okotobaokwaliatwalwa koshipangelo koWalvis Bay nokonima okwa ka tuminwa koshipangelo shaKatutura moWindhoek. 

Opolifi oya ti nakufya okwa kala e li moshipangelo ko-ICU ta mono epango fiyo ta xulifa momafiku 20 Kotoba. 

Ovafekelwa aveshe ova kwatwa po notava ka holoka momhangu, nomakonakono opolifi otaa twikile. fhamalwa@nepc.com.na 


2022-10-28  Festus Hamalwa

Share on social media