New Era Newspaper

Header ads
Icon Collap
...
Home / A fila okaana medimo

A fila okaana medimo

2021-04-06  Festus Hamalwa

A fila okaana medimo
Top of a Page

“Efiku tuu olo lOsoondaxa eshi nda minikilwa onda lombwelwa kutya okaana oka fya mboli. Onda tameka handi kwena neenghono, onda uda nai shili kokaana kange kotete vakwetu. Oha ndi anye oku itavela kutya ondi na okaana medimo ka fila mo.”

Aa omatumbulo omukainhu weedula 27, oo pamwe nofamili yaye tava yandje ombedi kovapangi neendohotola moshipangelo shaNandjokwe eshi vati da dopa okukwafa omukainhu ou –naashi osha eta opo kaana kaye oko ka li pefimbo lokudalwa ka file medimo. 

Ndatyooli Hamunyela otaku hokololwa a ya koshipangelo Etitano lomafiku 26 Maalitsa e na oshifeta ashike ovapangi neendohotola inadi mu kwafela fiyo okaana kaye taka file medimo. Okwa ka tandwa ashike mefiku etine okudja efiku a tambulilwa moshipangelo. 

Omukunhuwiliki woshipangelo eshi Dr Akutu Munyika okwa koleka oshiningwanima eshi, ashike ka li ta dulu okuya moule washo. Okwa yelifa kutya omakonaakono omoule otaa twikile nokuningwa kombinga yoshiningwanima eshi.

Pefimbo a popya naKundana, Hamunyela oo e yadi oluhodi okwa hokolola kutya okwa ya koshipangelo shaNandjokwe Etitano lomafiku 26 a Maalitsa, lwopo23h00 nedimo leemwedi omuwoyi ta fetwa.

“Eshi nda fika ndokotola okwa lombwela nge kutya okaana oka kula itaka dulu okupita mo kukovene, onghee okwa ti ondi na ashike okutandwa. Oufiku wEtitano inapa ningwa sha, nghee nda teelela handi fetwa oufiku aushe. Olomakaya eshi la fika natango eendokotola kadi na eshi da ninga po,” Hamunyela ta hokolola noluhodi. 

Ta hokolola ta ti eshi Olomakaya la fika, okwa pewa ashike eepela douyehame.  Ashike fiyo opopo etando eli a li a udanekelwa kala li la ningwa natango efiku olo. Ta hokolola ta ti eshi e uya moshipangelo okwa kala ashike e udite okaana kaye eshi take linyenge, ashike eshi efimbo tali piti elinyengo lokaana ola enda tali ninipala. 

Ongula yOsoondaxa Hamunyela vati okwa ifana omupangi opo umwe e mu lombwele kutya okwa uda oshinima she linyenga medimo laye. Omupangi okwa twala Hamunyela kefano opo a ka minikilwe ngeenge okaana aka ke li medimo oke na tuu omwenyo.

 

Ndatyooli Hamunyela a umbata eteelelo mu na okaana ka fya


2021-04-06  Festus Hamalwa

Share on social media
Bottom of a page