New Era Newspaper

New Era Epaper
Icon Collap
...
Home / A gu komuti ee ta gwile komboma 

A gu komuti ee ta gwile komboma 

2022-07-04  Victoria Kaapanda

A gu komuti ee ta gwile komboma 

Omulumentu gwomimvo dhopakati okwa si eso tali halutha, sho anuwa a gu komuti hoka a li ta ke iiti, ee ta gwile komboma ndjoka ya li ya tegwa momuti ngoka. 

Opolisi moshitopolwa shaMusati otayi hokolola olutu lwaTamekeni Tamekeni ngoka a li a ningi oshiwike ke wetike lwa li lwa itsuwa moluhwa lwa ninga nayi. 

Sha ikwatelela komukuluntu gwopolisi moshitopolwa shaMusati Moses Simaho okwa ti, omulumentu ngoka okwa li i itsuwa Etitatu kohambo tayi ithanwa Okapuindja momundhingoloko goRuacana moshitopolwa shaMusati.

Ta ti, opolisi kakwa li ya lopotelwa kombinga yekano lyomulumentu ngoka.

Otaku hokololwa omulumentu ngoka kwa li i ihulwa okumonika momasiku 20 gaJuni nuumvo.

Ta hokolola kutya Tamekeni anuwa okwa li a yi mokuti, a ka teta iiti.

Ta ti, anuwa komuti hoka a li a londo hugunina okwa li a gu ko nokugwila komboma.

Otaku hokololwa kutya olutu lwe okwa li lwi itsuwa komunahambo gumwe, ngoka a li e shi lopota.

Opolisi oya indile moshigwana ngele ope na mboka ye na omupambele gwawo a kala e li kohambo kOkapuindja, ya ningi esiku ya kwata thane naye opo ya kwatathane nopolisi moshitopolwa shaMusati.

Omakonakono gopolisi otaga tsikile

– vkaapanda@nepc.com.na


2022-07-04  Victoria Kaapanda

Share on social media