Festus Hamalwa

Omulumenhu weedula 55 oo a ninga oule womwedi ehe wetike, okwe li tuwa momulamba a fya koStampriet shaHardap. 

Opolifi oya hokolola kutya Aries Tieties okwa li a lopotwa a kana momwedi Januali, nopolifi oya kala tai mu kongo.

Olutu laye ole lituwa Omaandaxa komukwashiwana eshi kwa li ta ende pomulamba umwe a uka kofaalama yaye.

Tieties okwe lixulwa eshi kwa li tava nu otombo meumbo lamushiinda shaye nokonima okwa twalwa kofaalama yedina Langboom i li koshitukulwa shaHardap komonamati wamushiinda shaye. Opolifi oya ti Tiesties otashi dulika a kana okudiilila mofaalama oyo.

Omukalimo womoStampriet okwa lombwela opolifi ta ti Tieties okwa wila momulamba womeva eshi kwa li ta tauluka omulamba. Okwa twala opolifi pomulamba opo taku fekelwa kutya otashi dulika Tieties a li ta kendabala okutauluka.

Opolifi eshi ye uya po oya dimbuluka kutya olutu ola Tieties ou kwa li a ninga efiku ta kongwa kopolifi okudja Januali neudo. Omulumenhu okwa dimbulukiwa koikutu ei kwa li a djala ngaashi okambindja ke na oluvala litilyana, eenghuku dilaula, ombulukwea ibulau nokandini kaye kotombo opo ka hangika pomulamba opo e lituwa a fya.

Ovakwapata vanakufya ova shivifilwa efyo eli, nomakonakono opolifi otaa twikile.