Omukulupe gwomimvo 71 Shimoneni Kandume, okwa hupu miiponga yoku lika keyoka lyontoka iikando ayihe iyali.
 “Ngame omunelago shili, onda lala neyoka lyontoka kohi yombete yandje, nolutiyali olya tsakaneke ndje okuya mondunda. Kalunga omunene,” Kandume ta popi ngaaka.
Ta hokolele Kundana ta ti, momasiku 4 gaSeptemba numvo okwali ayi kohambo ye, kOmbudiya kuuzile wOkongo moshitopolwa shaHangwena, hoka a li a ningi oomwedhi mbali inaa enda ko.

“Sho ndanda piti omwelo gwoshipeleki shandje, onda tsakanekwa keyoka lyontoka lyathikameka omutse. Onda shuna monima te ndoka. Ondali nda hili omwelo, ndeli edhililamo,” Kandume ta ti ngaaka.
omanga ndiya  kwali alala nalyokohi yombete, okwali lina oomita 6.10.
Ta ti, okwali a ningi elago oshoka sho a tondokele pondje okwa adha okuume ke yaali ya adhika ta ye ya oku mu popitha shoya mono eya po. Okwali eya hokolele shoka a adha mondunda ye.

Kandume ta ti, ye nookuume ka oya hongo iiti iile, noku kondekela mo eyoka ndyoka mondunda e taye li dhipage ayehe. Kandume okwa ti eyoka ndyoka olina uule woomita 2.40. Ta gwedha po ta ti, otadh imbulukwa omivo ntano dhapita sho ali a yi molugodhi neyoka natango lyontoka moshipeleki omo tuu moka.
“Okwali ethimbo lyetango tali ka pa oyana, ondali nda kiiyoga pondje, nani ondunda yandje onda thigi ya eguluka. Nima ngoka kehe na omagulu sho apiti po, okwayi ashike kohi yombete yandje,” Kandume ta hokolola.

Ta ti, sho agaluka mondunda okwathikile ashike ta gwaya, a kuutumba kombete, nani kohi yombete okuna eyoka lyontoka.
 Aniwa okwali a tsikile okulya ulale we, a i edhilila mo mondunda e ta kotha oomposi  dhe sho amana okulya.
Ka kwali e na shoka eshi kutya mondunda oyeli mo yaali. Okwali kwashi, ongula okwali a penduka ngeno a pite pondje okwamono eyoka lyontoka lya tandela. Okwali a matukile pondje, elago enene inali mu lya. 

Ta ti, okwali ayi mohauto, ta kutha mo ondjembo ye nokuli yaha. Ta ti siku ndyoka opwali uudhigu, ashike okwali a tokola kutya itelithigi nando lina omwenyo nonando nalyo okwali tali kondjitha okumulya.
“Ondali nda sindana olugodhi, sho nde li yaha lwa hugunina nokuli hahala nomakatana. Ondi na elago, otandi pandula Pamba gwopombanda. Onda yambekwa notandi tsikile oku mu tanga,” Kandume ta ti  ngaaka.

Kandume okwa ti, okwali yelifike po nokuli fumbika kokule noomule mevi mwiya oshoka ngele esipa lyeyoka olya lyatwa komuntu, olina uuzigo hawu endelele okudhipaga omuntu.
Ta ti, okwali a lombwela kumushinda gwe kutya, nayo opo yadhipaga eyoka enene  li vule pwaandjoka lyafaathana. 
Okwa kumagidha kehe ngoka eli kombinga ndjoka yohambo, yakale ya kotoka ethimbo alihe oshoka oganika oshiponga lela.