New Era Newspaper

New Era Epaper
Icon Collap
...
Home / A ithana omwana e ye kegumbo omanga inaa dhipaga omusamene naye mwene

A ithana omwana e ye kegumbo omanga inaa dhipaga omusamene naye mwene

2020-08-13  Staff Reporter

A ithana omwana e ye kegumbo omanga inaa dhipaga omusamene naye mwene

Omukulupe gwedhina Alida Magdalena Venter (67), anuwa okwadhengele tango omwanakadhona ta ti, ne ye kegumbo mbala oshoka iteke mu mona we ena omwenyo.
Omwana ngoka kaali e uvite hoka oohapu dha yina dhuuka, okwakiitsa momidhimba dhaakuluntu ye esiku lya landula ko.
Otaku fekelwa kutya, Magdalena oye a dhipaga omusamane Richard John Venter (71) tango nokonima okwi ikutha wo omwenyo. 
Opolisi moshitopolwa shaKavango West otayi konaakona oshiningwanima shika oshikumithi, shoka sha ningilwa momukunda Rurumwe lwopo 10h00, mEtyali lyoshiwike shika. Otaku hokololwa aakulupe mbaka, ya itsuwa komwana kadhona megumbo lyawo ya sa. Omwana ngoka ha kala kondoolopa yaRundu, anuwa okwa tokola okuya kegumbo lyaakuluntu ye mboka haya kala oyo ayeke megumbo sho a mono kutya kaya li taya yamukula oongodhi dhawo. 

Omwana anuwa okwa kwatwa komalimbililo oshoka mOmaandaha okwa li a yakula ongodhi yaza kuyina, ta ti na ye kegumbo, oshoka iteke mu mona we e na omwenyo.
Omwana nguka anuwa okwa lombwela yina kutya ita vulu oku ya kegumbo esiku ndjoka, oshoka kali e uvite nawa nokwa pumbwa okuya kundohotola. Metiyali okwadhengele yina opo a tale kutya oku li po ngiini, shalandula oohapu dhoka a li ta popi ngohela, ashike kali ta yamukula ongodhi ye. Okwa kambadhala natango ongodhi yahe, ashike naye ina yamukula. Shika oshe mu etele omalimbililo nokwatokola a ye kegumbo, hoka a adha aavali ye megumbo ya sa. 

Omukuntu gwopolisi koshitopolwa shaKavongo West okwa hokolola kutya omukiintu ngoka okwa thiga po okambapila ke na omatompelo kutya omolwashike a tokola oku ikutha omweyo, ashike uuyelele mboka itawu vulu okupopiwa pethimbo ndika. 
Moshiningwanima oshikwao, omulumentu gwomimvo 40 Silvanus Joseph, okwa a adhika a imangeleka momugongo ongula yOmaandaha momukunda Uuthimawomeya moshitopolwa shaMusati. Oshiningwanima shoka oshaholoka potundi 14h00 yomutenya momudhingoloko Ogongo.

Omukuluntu gwopolisi moshitopolwa moka Titus Shikongo okwati, omulumentu ngoka okwali a monika tango komukulukadhi gwe. “Otaku hokololwa kutya, omulumentu ngoka okwali a zi megumbo ethimbo lyongula, tayi kiilonga ye, yokutunga kegumbo limwe lyili momukunda omo tuu moka,” Shikongo ta ti ngaaka. Ta ti, aanilonga pamwe naye sho yali ya mono ethimbo tali yi, naJoseph inaathika piilonga, oshali sheya tula momalimbililo nokudhengela omukukadhi gwa nakusa, ngoka ali e ya yamukula kutya, megumbo okwa meneka mo aya kiilonga.
Omukulukadhi okwali a landula ompadhi ye okuza megumbo ndjoka ye mu fala sigo omomuti moka a imangelekela.
Joseph okwa imangeleke nelapi ndyoka lya adhika mothingo ye.
Aakwanezimo oya tseyithilwa, nomakonakono gwopolisi ogeli metifa. 
Uuyelele wa gwedhwa po: Victoria Kaapanda


2020-08-13  Staff Reporter

Tags: Khomas
Share on social media