New Era Newspaper

Header ads
Icon Collap
...
Home / A kumaida ovakainhu vakwao va landifa oikulya yomufyuululwakalo

A kumaida ovakainhu vakwao va landifa oikulya yomufyuululwakalo

2021-03-01  Staff Reporter

A kumaida ovakainhu vakwao va landifa oikulya yomufyuululwakalo
Top of a Page

Festus Hamalwa 

 

Victoria Shilunga oha landifa oikulya yoshiwambo momatala mOngwediva ngaashi ombidi ikukutu nomavanda, oshuungu, ondjove, ondungu, omahandja, oufila womahangu, ongudo, omalodu oilya, omakunde nosho tuu. Ota ti oku hole oku landifa oikulya yopamufyuululwakwalo shaashi ohashi mweetele oshimaliwa shi hapu opo ashive oku kwafele ounona vaye nokufuta ofikola yavo.

Shilunga mongeshefa omu okwa kala mo oule weedula dili hetatu. Omunamido 34 oku na nounona veli vavali ovo aveshe hava i kofikola.

“Ovakainhu nava xulife po omukalo wo kukala ashike va teelela oku pewa oshimaliwa kovalumenhu, omanga ve na ounongo oku kala tava longo oikulya, ngaashi okutenda eengongo opo va landife omaxuku ile ondjove noku ka ombidi noku ninga nomavanda, voo va landife va shiive veli monene oshimaliwa shavo shomodjato nokuli landele sha vo vene”, Shilunga ta ti.

Okwa yelifa kutya neudo okuna odula yawana nawa, onghee okwa teelelwa kukale ku na oilandifomwa yopaushitwe ya wana ngaashi eembe, omapungu, omakunde, nomaongo. Onghee ota tu omukumo ovakainhu vakwao opo va tameke oku toola eembe nokukola omaongo ndele tava landifa shaashi eshi osho omukalo muwa woku li monena oshimaliwa. Ke pulo ngeenge ongeshefa yaye otai ende ngoo nawa, Shilunga okwa ti ongeshefa otai enda nawa shaashi ovalandi vaye ove hole oku landa oikulya yaye shaashi ohai kala iwa noya koshoka.

“Ovakainhu vakwetu otwa pumbwa oku longa noudinini opo tu kaleke po eengeshefa detu tadi ningi oshimaliwa, otwa pumbwa oku kala twa kaleka po eengeshefa detu di kale diyela nawa opo di dule okunana ovalandi shaashi ngeenge ongeshefa yoye oha i kala noinima iwa yoo oya yele nawa ovanhu vahapu ove na okuuya va lande,” Shilunga ta ti. Okwa ti okuna ondjodi yakula opo a kale e na ofitola yaye keumbo laye, a kale oko ta landifile oikulya yaye ashike okwa taalela eshongo lopashimaliwa sho ku tunga ekuma lakula omo a hala oku landifila. Pexulilo ota ti oku longa noudinini osho ashike oshinima shafimana, onghee ovakainhu nava kale tava pula omayele nokukonga yoo omakwafo makwao kombinga nghee omunhu a pumbwa oku tameka ile oku kaleka po ongeshefa yaye ikale tai shi endifa nawa.


2021-03-01  Staff Reporter

Share on social media
Bottom of a page