Okaana kokandona keedula 15 oka kwatwa onghonga vati kuxe weedula 39 mEtivali efimbo lokonguloshi lwopotundi 20h00 momukunda Onamambili moshitukulwa shaShana.

Omupopiliko wopolifi moshitukulwa shaShana Thomas Aiyambo okwa hokolola ta ti okaana oka shakena naxe mondjila eshi kwali ta ka findikile vamwaina tava shuna keumbo lavo.

Vati omufekelwa okwa lombwela okaana kaye ke kemutelele a ka pitule ongodi yaye yopeke keumbo lili pomukunda vavo.

Opolifi oya ti omulumenhu ou okwa ya nokaana kaye moixwa ndele tameka oku ka dula oikutu ako noku ya nako moixulo.

Opolifi oya hokolola tai ti okaana oka shiviifila ina nokonima ina okwa lopotela opolifi.

Oka twalwa koshipangelo opo ka ningilwe omanakona opounamiti.

Omufekelwa okwa kwatwa po Etivali nomakonakono opolifi otaa twikile.

Opolifi oya kunghulila oshiwana opo shi kale tashi lopotele 

opolifi oimbofa womakwatonghonga pefimbo shaashi oya didilikwa oimbofa ihapu hai lopotwa kwa lata.

– fhamalwa@nepc.com.na