Okaana kokaadona keedula 14 oka kala nokungilwa oumunyonena wopaixulo kuxe eshi xe vati a tameka okuka kwata onghonga okudja momudo 2015, fiyo oneudo.
Vati omufekelwa okwa tameka okukwata onghonga okaana kaye mwene pefimbo kwa li ke na omido heyali fiyo osheshi ya wa nifa omido 14.
Oshiningwanima eshi osha ningilwa moKhomasdal noTjomuise moWindhoek.
Omupopiliko wopolifi moshitukulwa shaKhomas Warrant Silas Shipandeni okwa hokolola ta ti pefimbo okaana ke na eedula heyali omufekelwa okwa kala ha longifa ominwe dokeenyala ta fifita okaana kaye.
Vati nokonima yefimbo eshi omido tadi ende da uka komesho omufekelwa okwa tameka ta longifa omaadi ovaseline opo a kale vati tai moxuilo nokaana noupu.
Opolifi oya hokolola tai ti neudo momafiku 09 Juni, omufekelwa okwa ya nokaana kaye koguest house imwe moKhomasdal oko a futila onduda yoku nangala ndele tai nako moixulo natango.
Vati okaana oka lombwela umwe womovakwapata kutya xe oha i nako moixulo.
Onghee vati okwa hokolola kutya oka loloka okukala ta ka ningilwa omunyonena wopaixulo kuxe.
Okudja opo ovakwapata ova lopotela opolifi kombinga yoshikumungu eshi.
Omufekelwa okwa kwatwa po Etitatu nokwa holoka momhangu Etine.
Omufekelwa oku na omido 34, nomakonakono opolifi otaa twikile.