Omukainhu womido 24 okweli hanga e na eteelelo inali longekidwa, konima yekwato olo vati la ningwa pefimbo kwa li a kolwa.

Oshingwanima eshi shekwatonghonga osha ningwa momafiku 05 Febuluali neudo molukanda Tobias Hainyeko modoolopa yaUtapi.

Omukonakoni woimbuluma mopolifi moshitukulwa shaMusati omupedu Commissioner Simaho Malakiya okwa hokolola ta ti nakuninga oshihakanwa okwa dimbwa okuidila pobashu yaye eshi a dja keendingosho efimbo loufiku a denga omaludo. Vati omufekelwa okweu ya mobashu yomukainhu ndele te mu longele yomunyonena yomunyonena paixulo shihe li pahalo laye.

Nakuninga oshihakanwa vati okuli e na etelelo lomufekekwa oo paife.

Opolifi oya ti omufekelwa okushivike, ashike ina kwatwa po natango nomakonakono opolifi otaa twikile.

Moshiningwanima sha yooloka, Okaana keedula 12 oka kwatwa onghonga kuxekulu a dalwa naina. Eshi vati osha ningilwe  omwedi wadja ko komukunda Okalondo moshitukulwa shaMusati.

Opolifi oya ti hokolola ta ti okaana oka kwatelwa onghonga mepya lambulavo mokati koilya.

Vati nakuninga oshikanwa okwali a kalela ofikola meumbo omo shaashi eumbo lovakulunhu vaye olili kokule nofikola.

Omufekelwa omulumenhu weedula 47, ina kwatwa po natango onghee omakonakono opolifi otaa twikile.

Opolifi onghee nga tai kunghilile oshiwana shi kale tashi lopota oibofa yomakwatonghonga pefimbo.

– fhamalwa@nepc.com.na