New Era Newspaper

New Era Epaper
Icon Collap
...
Home / A makulwa kuGwamululu

A makulwa kuGwamululu

2019-02-01  Staff Report 2

A makulwa kuGwamululu

Victoria Kaapanda

OSHAKATI - Omukuluntu gwosasiyona yopolisi mOgongo Iria Mbundu Nangombe okwa li a kumagidha aakalimo yomomukunda Ogongo moshitopolwa shaMusati ya kale ya lungama ngele taya ende uusiku oshoka omu na oondongi tayi monitha aakwashigwana oshiponga.

“Oshitopolwa shino shaGongo osha kala shi na oondongi hadhi lumata aantu, nosha li sha ndhindhilikwa kutya oondongi moshitopolwa moka odhi na omikithi gwendabi, ngaashi ndoongi ngoka a ponokele omulumentu gumwe oshiwike sha zi ko noku mu monitha oshiponga”Nangombe ta ti ngaaka.

Nangombe okwa li a indile aakwashigwana mboka ye na iinamwenyo ya kale ya thika pombelewa yi na sha nuuhaku mOutapi, opo ya ka pewe omiti oshowo ya wendithe iimuna yawo, kaayi kwatwe komikithi ngashi naana ndhoka dhoonkwengu.

Taku hokololwa kutya omulumentu gwomimvo dhopokati okwa li a ponokelwa kondoongi, ethimbo lyotundi onti-11 kongulohi. Okw ali a lumatwa kundoongi nokumonitha oshiponga kokwaako, mepunda nokokugulu kokulumoho, nokwa li a falwa koshipangelo shaShikuku hoka a ka mona uuhaku.

Aakwashigwana oya li ya tokola okudhipaga ndoongi  opo ku kanaakonwe kutya oshike sha eta ndoongi a ponokole omulumentu ngoka, oshoka oshikumithi, oondongi inadhi kala hadhi li aantu, noya li ye na uumbanda kutya  ndoongi ngoka a monitha omulumentu ngoka oshiponga ota ka  ponokela aakwashigwana natango.

Ndoongi aniwa okwali a tetwa omutse ngoka gwa li gwa tumwa koWindhoek koshipangelo shiinamwenyo nokwa li  kwa zi iizemo kutya ndoongi ngoka okwa li e na omukithi gwendambi.


2019-02-01  Staff Report 2

Tags: Omusati
Share on social media