New Era Newspaper

New Era Epaper
Icon Collap
...
Home / A mana elihongo laye pefimbo e na oulema womesho

A mana elihongo laye pefimbo e na oulema womesho

2021-05-05  Festus Nakatana

A mana elihongo laye pefimbo e na oulema womesho

Festus Hamalwa

“Ame ohandi pandula Kalunga shaashi onda mana elihongo lange pefimbo ndi na oulema womesho, onda lemana eshi kwa li ndi na eedula omuhoyi, nonda longa noudinini opo shipondole ndi ninge omulongifikola”.

Aa omatumbulo aTobias Moses a shiivika nawa Sondre ou e li e na oulema womesho ayeshe ta hokolola nghee a kwandjangela olweendo laye eshi a kala eli mofikola iha monoko tuu nande.
Moses okuna eedula 28 paife, nokuli omulongifikola kofikola Nakambada combine school moshitukulwa shaHangwena, a longo omalaka eendodo ngaashi onhi 8 fiyo onhi 9. 

Okwa kanifa omesho aye ayeshe eshi kwali ena omido omuhoyi efimbo kwali eli mondodo onhi 3.
Ota hokolola kutya ka kwali shipu oku itavela kutya okwa kanifa omesho ayashe unene tuu pefimbo laye lounona lomido dili 9.
“Konima eshi nda lemana omesho onda katwikila ofikola yange Keluwa Special school ili mOngwediva. Onda katamekululako vali okundja mondodo yotete. Onda fikola ondodo yotete fiyo ondodo onhi 10 mofikola tu omo, okwali nda pita nawa ondodo onhi 10 noitwa ili 37,” Moses ta hokolola olweendo laye. Konima Moses eshi a mana ondodo onhi 10 okwa katwitikila ondodo onhi 11 nonhi 12 kosekundofikola yaGabriel Taapopi ili mOngwediva.

Konima eshi a pita ondodo onhi 12 Moses okwe lihongela oulongifikola koshipupudilo shopombada shaUNAM koWindheok.
Mopaife ngaha Moses okuli ota longo ofikola oule weedula natu.

“Onda kala ndina omukumo melihongo lange nonande kandina omesho, onda kala nda hala oku ninga omulongi womalaka shaashi omalaka omo a shike andi dulu okulonga ongaa omunhu ena oulema womesho,” Moses ta ti.
Moses oye oshiveli kuina naxe, yee oye wotete okupita ondodo onhi 12 kuvamwaina a veshe. Okwa yelifa kutya oye wotete oku longela epangelo mepata lavo.

“Ohandi pandula kalunga shaashi onda mana ofikola, onda dula okulihonga, navali ondina oukolele kolutu, ame ohandi dulu okulonga oilonga yange nawa onghee ondina olupandu linene nonande ndina olulema womesho,” Moses ta ti.
Moses okuli yo vali a kufa ombinga momaundano ngaashi oudano wokulotoka ou kwali nokuli a kakalela po Namibia moudano wokulotoka koshilongo koBrazil momudo 2016.

Xuninwa Moses okwa ti oilonga yakalunga iha iyolwa onghee okwa ti okwe shitambulako paife kutya kena omesho. Okwa ti kovanhu vakwao a va vena oulema navatwikile oku kala veli nekela kalunga, yee taweda po ta ti oulema ita shiti kutya ito dulu okuningasha. Onghee okwa twa ovanhu a va vena oulema opo vakendambale oku ningisha momukalo ou tava dulu. 
“Kalunga ihe kwefa ongaanyoko,” Moses ta ti.


2021-05-05  Festus Nakatana

Share on social media