New Era Newspaper

New Era Epaper
Icon Collap
...
Home / A ningi omimvo 27 mombete

A ningi omimvo 27 mombete

2022-05-16  Victoria Kaapanda

A ningi omimvo 27 mombete
Top of a Page

Selma Nepembe iha popi, ye iha ende, okwa lala ashike.

Omumwayinakandhona Carolina Nepembe okwa ti mumwayina okwa taalela oshitopolwa shonkalamwenyo oshindhigu.

“Omolwuunkundi wokupopya e na, ohatu kala tu na oshinakugwanitha kehe ethimbo okukala tu li popepi naye,” ta popi ngaaka.

Ta ti, okwa kala mombete yokulala moka nkene a valelwe, ina za mo shapo uuna ta falwa koshipangelo.

Nepembe ta ti, mumwayina oku na iilalo omolwokulalela kombinga yimwe.

“Otatu pandula komayambidhidho gepangelo, ngoka ha mono okuza kepangelo omwedhi kehe,”  ta ti ngaaka.

Ta fatulula kutya openzela ndjoka hayi kwatwa kumumwayina naye omo a ikolelela wo, oshoka naye ke na iiyemo ya sha.

“Ondi li kosikola yuupangi I-Care mOndangwa, ihe kape na ngoka ha yambidhidha ndje, meme okwa hula ko nale mo2017,”  ta popi ngaaka.

Nepembe ta gwedha po kutya megumbo ohaya kala mo ashike nayinakulu ngoka naye a kulupa.

Ta gwedha po kutya uuna a gombokelwa ohaya kutha ohauto momutumba ndjoka haya tutu N$400 okuya koshipangelo kOkongo oshowo Okazaki.

“Mumwameme oha zala ominambo ye oku na iikulya mbyoka e na okulya,” ta ti ngaaka.

Nepembe ota indile moshigwana kehe ngoka ta vulu oku mu yambidhidha noothew,  omilambo oshowo iikulya.

Ta popi kutya ita vulu okuyambidhidhwa nokatemba oshoka ita vulu okukuutumba.

 

Ta ti onkalamwenyo oye mu ningila ondhigu omolwa uunkundi womumwayina kandhona, ye ke na iiyemo ya sha.

Kehe ngoka e na ehalo okuyambindhidha na dhenge konomola 0814719122

- vkaapanda@nepc.com.na


2022-05-16  Victoria Kaapanda

Share on social media
Bottom of a page