New Era Newspaper

New Era Epaper
Icon Collap
...
Home / A pila mobashu yohonda yaye eshi vati kwa li ta teleke a kolwa

A pila mobashu yohonda yaye eshi vati kwa li ta teleke a kolwa

2022-08-30  Festus Hamalwa

A pila mobashu yohonda yaye eshi vati kwa li ta teleke a kolwa

Omukainhu weedula 28 okwa fya eshi a pila mobashu yohonda yaye konima vati kwa li ta teleka a kolwa. 

Oshiningwanima eshi osha ningwa Osoondaxa lwopotundi 02h00 molukanda Wanaheda moWindhoek.

Nakufya ina tongolwa kutya olyelye shaashi ke shivike kutya okwa dile peni, voo novakwapata vaye kave shivike.

Vati nakufya okwa li ashike eu ya okutalela po ohonda yaye ndele tai mu fiye mobashu manga a ya konooli.

 Omupopiliko wopolifi moshitukulwa shaKhomas Warrant Silas Shipandeni okwa hokolola ta ti omukainhu okwa u wala tava nu omalodu pamwe nomushiinda shaye fiyo efimbo loufiku. 

Vati okudja opo okwa lombwela mushiinda shaye kutya okwa dengwa kondjala onghee okwa ti ota ka teleka.

Opolifi oya ti umwe womushiinda shaye okwa mona obashu oyo ya haka omundilo nokonima eshi ovakwashiwana ve uya okudima omundilo omukainhu okwa hangika nale a fya.

Opolifi oya hokolola tai ti pefimbo loshiponga shomundilo ohonda yaye oya hangika ili konooli. Opolifi oya kunghilila oshiwana opo shi xulife po okukala tashi teleke ngeenge sha kolwa opo ku kelelwe oiponga yomindilo noshoyo e kanifo leemwenyo.

- fhmalwa@nepc.com.na

 

 


2022-08-30  Festus Hamalwa

Share on social media