Antonius Semete  gwomimvo 25 ngoka ta tamanekelwa edhipago  lyahekulu, okwa tindilwa eifutilemo mondholongo Omandaaha.

Semete okwa holoka komeho gomupanguli Barry Mufana, mompangulilo yamangestrata moRundu.

Omulumentu ngoka ota tamenekelwa edhipago oshowo omahepeko.

Otaku hokololwa kutya okwa li ahahala hekulu iikando oyindji nokakuwa sigo omeso. Sha ikolela kuuyelele wa gandjwa kopolisi omulumntu ngoka okwa li a dhipaga hekulu uusiku, okupendukila omumvo omupe, sho kwa li taya nyenyeta kombinga yotoshe yokuminikila. 

Oshiningwanima osha holoka momukunda Rupara momundhingoloko Kavango gokuuninginino.

Okwa li a tindilwa ombooloha omolwondjundo yoshipotha she. Oshipotha osha undulilwa komasiku 24 Maalitsa nuumvo. Omakonakono gopolisi oge li metifa.  Moshiningwanima inaashi faathana omulumentu gomimvo 45 Abdul Mutsvare Omuzimbambwe okwa li a pewa ombooloha yoshimaliwa N$3 000, sho a li a ulike omulumentu gwomimvo 36 ondjembo.

– vkaapana@nepc.com.na