Omulumentu gwomimvo 32, okwa mangwa po ko polisi moshitopolwa shaMusati sho adhipaga kuume ke koomihole sho emu tsu   noku muteta omuligu, Etitano.

Omukuluntu gwopolisi moshitopolwa shaMusati Titus Shikongo , oshiningwanima osha holoko po 20h00 yuusiku molukanda Oluno momudhingoloko gwaNesi.

Otaku hokololwa kutya omulumentu ngoka okwali a tentene kuume ke komiihole miihwa yi li mondjila okuya kegumbo ko mukunda Ongwali.

Shikongo okwati, omukiintu ngoka okwali ta ende  pamwe nomulumentu gumwe gomomukunda gwa wo sho a li a ponokelwa noku tsuwa noombele iikando oyindji oshowo okumuteta omuligu.

Omukiintu ngoka atseyika nedhina Magano Aino Iilonga, okwali ahulitha ethimbo olyo tuu ndyoka.

Otaku hokololwa kutya aaholike mboka oya kala ethimbo mekwatathano lyopahole no yena uunona utatu, osheeli shina hetatu, taku landula gumwe ena omimvo ine oshowo onkelo yoomwedhi omugoyi.

Shikongo okwati, oya lopotelwa kutya aaholike mboka oya li ya tameke nomanyenyeto oshiwike Sha ziko, sho nakusa a li anuwa emutseyithile ya hulithe po iihole po kati kawo.

Otaku hokololwa kutya shoka osho taku tengeneka sha etitha edhipango ndyoka.

Nakudhipaga okwategelelwa aholoke mompangu yaOutapi nena.

Akwanezimo ya nakusa oya tseyithilwa.

Opolisi oya kumagidha aluhe oshigwana shi kale tashi pula okushingwa  omwenyo kaakwanezimo, kaashungi mwenyo nenge shi kale tashi tseyithile opolisi noku pula uuyelele nkene shina okuninga uuna sha iyadha nomawupyakadhi gatya ngaaka.

Moshiningwanima inaashifathana, omukiintu gwomimvo 55 okwali a alyatwa kohauto noku sa ethimbo olyo tuu ndyoka mOUtapi.

Otaku hokololwa kutya omukwakuluntu ngoka okwali ta taaguluka opate sho a kyatwa kohauto yo Vvti, molukanda Okalondo, moshitopolwa shaMusati.

Nakuhinga okwali afalwa koshipangelo a ka tutswe ngele oku li kohi yiikolitha nomayamukulo Inaga  thika natango ko polisi.

Nakusa okwatseyika nedhina Ndipwashimwe Leena. Akwanezimo ye oya tseyithilwa.