Omukainhu (46) vati okwa tula okaana kaye komido nhatu moshako ndele te ke i ekela petoto loimbodi nokudja opo okwa ka nwa otombo yaye.

Oshiningwanima eshi osha ningilwa molukanda Donkerhoek modoolopa yaMariental mexuliloshivike efimbo lokomatango.

Opolifi oya ti okaana oka hangika ke na omwenyo onghee oka talwa koshipangelo opo ka ningilwe omakonakono
opaunamiti.

Omupopiliko wopolifi moshitukulwa shaHardap Inspector Linea Heita okwa hokolola ta ti okaana oka tulwa moshako kuina nokukatwala ponhele hai kupulwa oimbodi i li popepi nondingosho opo kwa li ta nu otombo.

Otaku hokololwa okaana ke lituwa komukwashiwana umwe kwa li a ka kupulashi oimbodi petoto ye oye a
shivifila opolifi.

Opolifi oya hokolola tai ti omufekelwa ina kwatwa po manga shaashi opolifi oye lipyakidila nokuninga omakonakono.

Oshiningwanima shikwao,
 omunafikola weedula 18 a fikola koshiputudilo sho-IUM okwa kwatwa po eshi vati a dipaa ndele ta kupulashi
okaana kaye mokandjuwo mofikola yavo IUM.

Omunafikola okwa kwatwa po mexuliloshivike konima eshi xe a lopotela opolifi kombinga yokaana kaye oko ke li omufekelwa eshi a didilika kehe na vali eteelelo.

Opolifi oya ninga omafiku tai pula moshiwana kwau e na ouyelele kombinga yomufekelwa ou a kupula shi okaana kaye onghee naashi osha eta xe yomufekelwa opo a kale a lopotela opolifi.

Opolifi oya kunghilila oshiwana opo shi twikile nokukala tashi yandje ouyelele kombinga yoimbuluma.

– fhamalwa@nepc.com.na