Festus Hamalwa

Omulumenhu weedula 23 hanga a fye, e shi a tuwa nombele medimo medina loshimaliwa shokongodi shoN$5.

Martin Tadeus okwa tuwa nombele yokapi onguloshi yEtitatu, sha ningilwa poundingosho Ondalaye pOmagongati, moshitukulwa shaShana.

Omupopiliko wopolifi mOshana Thomas Aiyambo okwa koleka oshiningwanima eshi.

Otaku hokololwa eenhangu da tukuka pokati kaTadeus nomulumenhu umwe shaashi vati Tadeus a vaka ko okafimbo kokongodi koN$5 kongodi yamukwao.

Aiyambo okwa hokolola kutya Tadeus okwa li ta longifa ongodi yovanhu naashi ei shuna kumwene, mwene okwa didilika kutya okwa vakwa oN$5. 

Ova tameka oku tanguna nokonima mwene wongodi okwa kufa ombele yokapi noku twa Tadeus medimo, e mu ehameka neenghono. 

Nakulongelwa oushanda okwa twalwa meendelelo koshipangelo shepangelo shaShakati kukaume kaye, nokuli a kwatelwa membete.

Omufekelwa oo na eedula 21 womomukunda Omagongati okwa kwatwa po efiku olo tuu olo. Okwa teelwa opo a ka holoke momhangu yaMangestalata waShakati mEtitano.

Aiyambo ta ti onghalo yaTadeus otai ende tai xwepopala.