New Era Newspaper

New Era Epaper
Icon Collap
...
Home / A twa omukainhu waye neembele molwa oukodi

A twa omukainhu waye neembele molwa oukodi

2022-11-22  Festus Hamalwa

A twa omukainhu waye neembele molwa oukodi

Omulumenhu weedula 35 okwa kwatwa po eshi vati a twa omukainhu waye neembele monhulo pefimbo kwa li tava tanguna kobashu ya nakuninga oshihakanwa.

Oshiningwanima osha ningwa mexuliloshivike kolukanda Oshondo modoolopa yaUtapi efimbo lokongoloshi lwopotundi 21h00.

Omukonakoni woimbuluma wopolifi mOmusati omupedu Commissioner Moses Simaho okwa hokolola ta ti ovaholafani ava okwa li tava tanguna konima eshi vati omufekelekwa auda kutya omukainhu waye ohai kondje. 

Okudja opo omufekelwa okufa ombele yokapi ndele tatu omukainhu waye loikando itatu monhulo.

Omufekelwa ota hokolola momhangu Etivali nota pangulilwa oshibofa shomahepeko omomaumbo.

Oshiningwanima shikwao, omulumenhu weedula 22 naye okwa kwatwa po eshi vati a tetaula kaume kaye nomakuva mombuda pefimbo kwa li tava nu meumbo lavo modoolopa Mariental.

Opolifi oya hokolola tai ti omufekelwa ova tameke tava tanguna nokonima osha ka eta opo omufekelwa a tete mukwao nekuva.

Nakuninga oshihakanwa oku li moshipangelo Mariental ta mono epango ashike vati oku li monghalo ita nu omeva.

Omulumenhu weedula 29 naye okwa kwatwa po eshi vati a tetaula ondenge yaye nomakatana pefimbo kwa li tave li denge meumbo lavo momukunda Oviheke moshitukulwa shaKunene.

Nakuninga oshihakanwa oku li moshipangelo shaPuwo ta mono epango lopaunamiti.

Omukainhu weedula 41 naye oku li moshipangelo eshi a dinda oshipala konima eshi a dengwa noshitenda komulumenhu waye kohambo yavo i li Uulunga utatu moshitukulwa shaShana.

fhamalwa@nepc.com.na


2022-11-22  Festus Hamalwa

Share on social media