Ethimbo ndika lyomaso ga igalala moshilongo oshowo omaendathano pokati kiitoplwa niitopolwa gapatwa patwa, noyendji otaya tumine aakwanezimo yawo imaliwa pa ngodhi, okulongekidha omafumbiko.

 Ookalyamupombo otaya longitha ompito ndyoka oku kengelela. Omukuluntu gwomakwatathano gwombaaanga onene First National Bank (FNB) Elzita Beukes, otaku magidha aalilisa opo ya kotokele ookalyamupombo, ngele taya ye ya tuminwa uutumwalaka wiifundja tawu zi konomola yo+362626.

“Aafuthi otaya dhengele mboka unene ya silwa, okuya ngwangwaneka, kutya oye ya tuminina oshimaliwa oshindji, onkene otaya pumbwa oku galulilwa shimwe. Taya indili onomola  yoku shikuthako,” taku magidha.

Ta gwedhapo ta ti, otaya longitha onomola ndyoka yo +363636 yiifundja ndyoka ya faathana lela nonkwawo yoshili +362626. “Oononomala dhoka angala
dha faathana nonando eyooloko olyili poondatu, ashike oyendji inaye shi dhidhilika onkene ohaya itaala kutya oya tuminwa oshimaliwa shili,” ta ti ngaaka.

Ta ti, shoka ohaye shi ningi meendelelo, opo kaya dhimbululwe kutya onomola dnyoka ya longitha ka yili moshili.

Ethimbo ndyoka  aalili sa
ohaya kala ya tumunwa
oshimalwa kaantu ya yooloka, niimaliwa ayihe ya adhika ko ohayi kuthwa ko ashike pamukalo
ngoka. 

“Aafuthi ohaya kutha oonomola dhoka miifo kundaneki, sho aakwanezima ya tula mo, na kusa gwawo okutseyitha eso nenge ko malungula,” ta fatulula ngaaka.

Beukes okwakumagidha oshigwana, una sha tsakaneke oshinima shili ngaaka, shi teteko ongodhi meendelelo.

“Atukumagidha kehe gumwe a kale akotokela oonomola dhoka. Oshidhigu omuntu eli moosa dhomu pambele gwe, ihe natango ota tulwa ishewe muupyakadhi watya ngaaka,” ta popi ngaaka.

Omulumentu gumwe opo
asilwa mumwayina okwa ti, shoka tashi hokololwa okweshi tsakaneka, ihe okwali eshi dhimbulula mbala, oshoka omadhina ngoka taga popiwa inega uva nale.

“Onomola ndyoka ya tumu, inandi yi tala nawa , okwali ndiitala kutya onda tuminwa oshimaliwa, ihe nani uulingilingi,” ta hokolola.

Ta ti, sho ali a kala teya pulapula, okwali  ya tameke okumutuka, etaya dhimi ongodhi yawo. “Ngeno ndi landule onomola, nani oya dhengitha onomola yopawumwene, ndjoka itaayi vulu okulandulwa,” ta ti ngaaka.