Victoria kaapanda

Omukiintu gomimvo dhopokati okwali a ponokelwa kookalya mupombo mboka yali ya iningi aapolisi yiifundja, uusiku gwOsoondaha.

Sha ikolela kepeko lyopolisi lyiiningwanima yomehuulilo shiwike, oshiningwanima shoka okwali sha ningilwa lwoposhiputundhilo shopombanda Hage Geingob mOvenduka. Otaku hokololwa kutya omukiintu ngoka ali nohanona mohauto, okwali a kankamekwa kaalumentu ya zala iikutu yopolisi yeli yatano.

“Oyali yemu pula a gandje omukanda gokuhinga, omanga kwali tegu gandja okwali ye mudhenge, no yali ye mu hilimo mohauto  nokanona ke,” tayi ti ngaaka.  Okwali a kanitha anuwa omaiyuvo pakathimbo, nokwa ka papundhuluka konima yominute ntano, nohanona ye yemu kuundumbila.

Otaku hokololwa kutya, omukiintu ngoka okwali a ningi omunelago sho kwali pwa  ende omweendanandjila gumwe ngoka ali e mu fala kopolisi a kaningi oshipotha.

Opolisi oya ti, omukiintu ngoka ka kwali a ndhindhilike aafuthi mboka, ka kele kohauto, ya li ye na omalanmba omatigiligane nombulau taga teima gafa gopolisi.

Ohauoto ndyoka okwali yaadhika koondama koGariagab, ya kuthwa iinima yimwe. Moshiningwanima shafaathana, aalumentu yeli yaali okwali ya mangwa komatanmgo gOsoondaha  sho kwali ya yugu omulumentu gumwe ohauto.

Sha ikolela kuuyele wa gandjwa komupopiliko gopolisi Thomas Aiyambo, oshiningwanima osha holoka mondjila okuza kOshakati kuya kOndangwa.

“Omulumentu ngoka okwali a faalele aalumentu mboka, no yali ye mu kwata pothingo nokumuhilamo mohauto, etaya yi nohauto,” ta ti ngaaka. Otaku hokololwa kutya aafuthi mboka okwali ya ndhama montopo, nokuthigapo ohauto, no yali ya matukile molukanda Sky mOngwediva.

Aalumentu mboka okwali ya mangwa konima oshigwana shali sha lopota.

– vkaapanda@nepc.com.na