New Era Newspaper

New Era Epaper
Icon Collap
...
Home / Aafuthi ya yugu oN$182 000 moPep

Aafuthi ya yugu oN$182 000 moPep

2022-04-21  Victoria Kaapanda

Aafuthi ya yugu oN$182 000 moPep

Opolisi moshitopolwa shaMusati oyi li molukongo lwaafuthi ya ponokele ositola yoPep mOtsandi oshiwike shika, e taya yugu mo oshimaliwa shithike poN$182 000 .

Sha ikolelela kuuyele wa gandjwa komukuluntu gopolisi moshitopolwa shaMusati Titus Shikongo, ethimbo oshingwanima shoka sha holoka lela inali shiwika.

“Aafuthi mboka ya ponokele ositola yoPep okwa li ya tete pombanda etaya piti. Okwa li natango ya teya oshiketha shi na ilimaliwa oshowo oongodhi dho peke,” ta hokolola ngaaka.

Ta ti, aafuthi mboka okwa li ya faalele wo oondalaha dhoosikola oshowo iikutu yilwe, oongaku oshowo iikwawo oyindji.

Opolisi otayi indile moshigwana shi lopote kehe ngoka taka landitha iinima ya zi nokutumbulwa, ihe kayina oombapila opo aafuthi mboka ya longo ngaaka ya mangwe.

Shoka okwa li sha ningwa ashike omasiku omashona, sho omahooli goPuma mOkahao ga  li ga ponokelwa natango kaafuthi, eta ya yi ontuku niimaliwa.

Oshigwana momindhingoloko ndhoka dhokuuninginino oshili momalimbililo kutya oondolopa nomikunda dhawo odha ningi iihakanwa yaafuthi.

Moshiningwanima shimwe inaashifathana, omukulupe gwomimvo 86 okwa li a ponokelwa nokuthangagulwa kaafuthi megumbo lye Omaandaha goshiwike shika.

“Aafuthi ye li yahamano okwa li ya ponokele ondunda yomukulupe, noku mu thangagula taya pula iimaliwa,” ta hokolola ngaaka.

Ta ti, anuwa yamwe okwa li taya hadhagula ondunda, omanga yamwe kwa li taye mu lyatela pevi opo kiinyange.

“Okwa li ya itsu ondjembo yo nomola 9145096 yomoshiya okandjato kena ashike N$200 oshowo mbyoka kwa li ya yi nayo,” ta popi ngaaka. – vkaapanda@nepc.com.na


2022-04-21  Victoria Kaapanda

Share on social media