New Era Newspaper

rmb2
Icon Collap
...
Home / Aakuthimbinga mekondjelomanguluko naya simanekwe - Iipumbu

Aakuthimbinga mekondjelomanguluko naya simanekwe - Iipumbu

2019-04-05  Loide Jason

Aakuthimbinga mekondjelomanguluko naya simanekwe - Iipumbu
Top of a Page

WINDHOEK-Omupeviminista gwoofaambulika, iipindi neyambulepo lyoongeshfa oonshona, Lucia Iipumbu, okwa kumagidha aakwashigwana yaNamibia opo inaya kutha ko mboka ya iyambelwa emanguluko lyoshilongo pambambo oshoka oomwenyo dhaantu odha kana pethimbo olyo tuu ndyoka, onkene naya simanekwe naamboka woo ye li momwenyo sigo ongashingeyi.
Ndhika okwe dhi hokolola sho a li ta popitha aakwashigwana yomoshikandjohogololo shaTsandi, pomukunda Ontanda moshitopolwa shaMusati, shina sha nesiku lyekondjelomanguluko ehuliloshiwike lya zi ko.

Okwa popya kutya itashi vulika gumwe a popye ondjokonona yekondjelomanguluko lyoshilongo, ihe ita popi ongundu ompangeli Swapo.

Iipumbu okwa hokolola kutya okwa haluthwa komapyopyo gaamboka taya ti kutya kape na eyooloko pokati kaNamibia gwonena naasho oshilongo opo osha manguluka.

Ota ti kutya aantu otaya sheke ihe monale aaluudhe oya li ye li moluhepo olunene oshoka oya li taya longithwa pambambo kaape na oondjambi dha gwana ihe monena hasho shi li osha yooloka noonkondo.
“Epangelo olya eta ehumokomeho kaantu ngaashi naanaa aakulupe ye vulithe po195 000, ngashingeyi ohaya kwata openzela, noshowo aanona mboka ya dhengwa koluhepo naamboka taya lumbu nuulema,” osho a totha mo limwe lyomomahumokomeho ngaaka.

Okwa tsikileko kutya aanasikola ye vulithe po22 000 oya li ya kwathelwa noshimaliwa shokwiilonga shi vulithe poomiliona 400, okuza oshilongo sho sha manguluka sigo omomumvo 2007.

Okwa ti kutya uuministeli we nawo owu li metifa okukonga mo aaahondji mboka taya vulu okuhondja oondalaha dhuunona dhokosikola oshoka okwa ningwa etokolo opo okutho lyoondalaha kondje yoshilongo lyi shunithwe pevi.
Iipumbu okwa hokolola kutya oshikondo osho tuu shoka ngashingeyi oshi na ooprojeka ndhoka  tadhi kwathele aakwashigwana pandondo yiikandjohogololo moku eta po oompito dhiilonga.

Oompito dhiilonga ndhoka otadhi ka totwa po okupitila moongeshefa oonshona ndhoka tadhi totwa po kaakwashigwana yoyene e taya pewa omayambidhidhidho giilongitho moongeshefa okupitila moombelewa dhookansela.
Ashike nguka okwa tsu omuthindo kutya okuhumitha omidhingoloko dhetu kashi shi ashike oshinakugwanithwa shepangelo ihe naakwashigwana yoyene oye na oshimpwiyu oku shi ninga.

“Otwa pandula iilonga mbyoka tayi longwa kaaleli yopamuthigululwakalo, aanangeshefa  noshowo aakwashigwana momudhingoloko gwaTsandi. Onkee atuheni natu tuleni uukuni kumwe opo tu eteni ehumo komesho,” osho a hokolola ngaaka.


2019-04-05  Loide Jason

Tags: Khomas
Share on social media
Bottom of a page