Aalongi yatano yokosikola Ben Hauwanga Combined oyaka konga omahala go kuza, sho kwali ya tidhwa momatungo gosikola, komukuluntusikola sho kwali anuwa ya tindi okugwendhelwa ofuto, omolwa onkalo yomahala.
Gumwe gomaalongo moka, ngoka endhna lye inaahala lyi popiwa okwati, oyali ya tindhwamo sho anuwa ya tindi okufuta N$400 okuza omvo 2020, anuwa oya kala haya futu N$250.
“Otuna uupyakandhi wa taalela omahala ngoka, ka gena olusheno luukilila okuza kopala yolusheno, ihe olwaza mongulu yokalasa yimwe, onkene osha kala oshindhigu okululongitha olusheno oshita uuna ta tu teleke,” ta hokolola ngaaka.
Ta ti, oya kanitha iinima ya wo, oyindji oshoka oya pya kolusheno.
Shoka okwali anuwa sheya hingi opo ya kale taya telekele pamwe, taya ningi omalufo oshoka olusheno italu vulu okulongithwa oshita.
“Shika osho kwali shetu tsitha onyala mevi kutya oshike tuna okugwendhelwa, ngele onkalo itayi hokitha, oshowo otatu longitha iinima ye pangelo,’’ ta popi ngaaka.
Ta ti, ethimbo omutaleli goshikandjo ali eya okutalela po, okwa li anyenyeta kutya kayena ontseyo kutya olusheno ndoka ohalu longo ngaaka, onkene oshina okuhula,” ta fatulula ngaaka.
Ya popi kutya nonando kayena lela uumbangi kutya iimaliwa mbyoka ya kala nokufuta ohayi longithwa shike, oya lombwelwa kutya ohayi yambindhindha oompumbwe ndhosikola.
Omukuluntusikola posikola mpoka Ben Hauwanga Simeon Selly sho kwali apulwa atyeko sha, okwa ti ita vulu okupopya niifokundaneki.
“Oshike wuna okundhengelandje, onomola yandje oweyi kutha peni? Ondina aakulunutu miilonga oshowo aapoliko oyo ndhengela wu pule uuyelele mboka,” ta ti ngaaka.
Omukuluntu gwelongo moshitopolwa shaMusati Benny Eiseb okwati ka kwali ta vulu okutya kosha manga oshoka kemo moshitopolwa, ota galukilemo oshiwike shika.
Caption: Aalongi ya tidhwa momagumbo gaalongi komukuluntusikola
vkaapanda@nepc.com.na