New Era Newspaper

New Era Epaper
Icon Collap
...
Home / Aanahambo naya kwate nawa omulilo pethimbo ndika 

Aanahambo naya kwate nawa omulilo pethimbo ndika 

2021-05-31  Victoria Immanuel

Aanahambo naya kwate nawa omulilo pethimbo ndika 

Ooyene yoohambo otaya kumagidha aanahambo ya kwate nawa omililo ethimbo ndika lyombepo nuutalala, ngele taya huhulukwa, oshoka omwiidhi otagu ende tagu ku kuta nomulilo ohagu tema mbala.

Salomon Shiinda ngoka ena ohambo koshikandjohogololo shUuvudhiya okwati, omvo gwa ziko oyali yaloptelwa oohambo tadhi pi, noshali sha kanitha iimuna yawo oyindji oshowo omamgumbo taga pi.

Ta ti, okuuvite ko kutya okwatalala shili, naanahambo ohaya kala taya huhulukwa, ihe aluhe naya kale taya  dhimi omililo dhawo thilulu. 

“Omulilo ngoka ngele ogwakwata omwiidhi ohagu yi sigo oko kule, no hashi ka pula omakwatho okuza ko kule okugudhima,” ta popi ngaaka.

Ta ti, oshanika oshiponga, oshoka ethimbo limwe omuntu gumwe ohaadhika alala megumbo, ihe omulilo itegu moneneko eta pile mo.

Shiinda ta ti, naya kale taya kwashilipaleke aluhe kutya omililo taya longitha odha dhima thiluthilu.

Omuvo gwa yi omagumbo gamwe moshikandjohogololo  shUuvudhiya ogali pilwa iilya piipale omolwa omililo kaadhi shiwike mpoka tadhi zi.

Kundana sho ali aningi omapekapeka momikunda dhimwe okwali alombwela kutya omililo dhimwe ohadhi etwa kaanona, una taya dhana uupalwa, etagu taandele sigo omo makoye ga landulako.

Omupangi gwomomukunda Laina Shikongo okwa ti, sho a kala ta ningi omapekapeka ngele taka gandja uuhaku momagumbo momikunda, okwadhidhilike wo kutya ombepo nayo ohayi taandeleke omulilo. 

“Oyendji ngele ya mana okuteleka ohaya thigi omililo po masiga, nombepo ohayi pepe po oondjashi dhoka hadhi kwata egumbo nenge oondunda dho mwiidhi,” ta fatulula.

Ta ti, otaku magidha aakuluntu momagumbo ya kale yena oshinakugwanithwa kutya omililo odha dhima thilulu.

Ta gwedha po ta ti, omagumbo naga kale wo ge li kokule noomwiidhi oshowo iipale mbyoka yi na iilya opo kayi kwate komulilo nuupu.


2021-05-31  Victoria Immanuel

Share on social media