New Era Newspaper

New Era Epaper
Icon Collap
...
Home / Aanamapya oye na omukumo gomuloka omuwanawa nuumvo

Aanamapya oye na omukumo gomuloka omuwanawa nuumvo

2022-10-31  Victoria Kaapanda

Aanamapya oye na omukumo gomuloka omuwanawa nuumvo

Aanafaalama oyendji monooli oye na omukumo gomuloka omuwanawa nuumvo.

Laina Shikomba gomomukunda Onaanda okwa ti nonando omvula ya shashimina miitopolwa yomonooli, oye li natango metegelelo lyomvula onene.

“Ndika halyo ethimbo lyomvula yina okuloka opo tu tameke okulonga momapya , ihe ethimbo lyokutemuna. Ashike omandhindhiliko ogendji otwe ga tsakaneka kutya okuna omulokwa omwaanawa nuumvo,” ta ti ngaaka.

Ta ti, shoka sha holoka omvo gwayi sho omvula ya ka loka kwatoka niilya yawo tayi si, inaye shi pumbwa nuumvo.

Ta ti opena yamwe yali ya likola mo sha momapya,ihe yo inaya mona mo sha oshoka oya li ya etha omuloka gwotango gu pitepo.

Maria Salomon gwomomukunda Omusimboti sho apulwa ngele okwa ilongekendha okulonga epya lye okwati okuyele natango.

“Natango okuyele, itatu vulu okukwatwa komalimbililo ngele kaku na omuloka omunawa nuumvo, ihe omukumo opo gu li nuumvo,” ta popi ngaaka.

Ta ti, egulu otali ulike nawa, otali tu pe omukumo omuwanawa, oshowo kiitopolwa yimwe hoka twa kundana kwa lokwa nawa nonando nayo inaya tameka okukwata omafuma.

“Omvula yokutameka okulonga momapya ondjoka yomafuma taga zimi, “ ta popi ngaaka. Salomon okwa ti oya tala wala koshipala shaPamba. 

Titus Shigwedha gokOmpundja okwati  otaka longitha ethimbo lyahupako.

‘Ngele okwazi omvula momasiku twa taalela okuza mokati kaNovomba, embakumbaku otali tameke okulila,” ta popi ngaaka. 

Ta ti, oku wete kutya omvula nuumvo oko yili, no ngele oshakeenda nayi otaya shi tambulako ngaashi shili. 

Shigwedha okwati okwa ilongekidhila omvula ya landulako.

Omunafaalama gomepya Kauna Stevanus okwati, kena nando omukumo nuumvo.

”Onkalo yombepo oya lundulula, okaliindeli hoka twa kala noku longitha omimvo ndha piti oka lundulula, onkene otwa tegelela ashike,” ta popi ngaaka.

– vkaapanda@nepc.com.na


2022-10-31  Victoria Kaapanda

Share on social media