New Era Newspaper

New Era Epaper
Icon Collap
...
Home / Aandando ya pe Shifeta omasiku 21 e ya yamukule

Aandando ya pe Shifeta omasiku 21 e ya yamukule

2022-01-18  Victoria Immanuel

Aandando ya pe Shifeta omasiku 21 e ya yamukule

Aakalimo yomukunda Ondando moshikandjohoglolo shaNiipa oya ti, otaya gandja ashike omasiku 21 okukala ya mona eyamukulo lyahugunina, okuza kuminista gwomindhingoloko Pohamba Shifeta.

Aakalimo oyali ya nyenyeta kutya aanangeshefa yomavi ohaya kutha omavi mOndando otaya ningi oshinima sha puka, no yali kankamekwa kaaya tsikile we omumvo gwayi.  

Omuxwaxwameki gomomukunda moka Rasta Nambundunga Jesaya, esiku ndyoka okwa ti, oyaningi ethimbo unene ya tegelela etokolo lyahugunina, ihe sigo ompaka kapen a uuyelele gwa sha.

“Lwa hugunina sho Minista Shifeta ali mpaka omvo gwayi, okwali a popi kutya ota galuka a ninge etokolo lya hugunina, ihe sigo ompaka ina tuma etumwalaka lyaashoka tashi ningwa po,” ta nyenyeta ngaaka.

Oscar Shikongo ngoka naye omuxwaxwameki okwa ti, omvula oyili pokuloka, onkene oya hala omalambo ngoka gafulwa gakale gafilwa po.

“Ope na aanona yeli pomaushinda mpaka taya vulu okudhana sigo omomalambo moka, nongele omvula oyaloko otaya vulu okusilamo,” ta ti ngaaka.

Ta gwedha po ta ti, ondhalate ndyoka ya tulwa ko, otayi vulu okupitwa kaanona oshowo kiimuna.

“Otwa piti ta tu, thitike omalambo ga ningwa komaloli gaamboka kwali taya tutu omavi,” ta popi ngaaka.

Shikongo okwa lombwele Kundana kutya itaya ka indhindhimikila emweno lyaamboka ye na okutokola etokolo lyahugunina, ngele ya mana okuthitika omalambo ngoka ota yeya ya filepo omalambo ngoka noonyala ndhawo yene.

“Itashi tu nyenge okufila po omalambo ngoka, ota tu vulu okushininga kaape na eyambindhindho lyomaloli,” ta nyenyeta ngaaka.      

Sha landula omanyenyeto okuza moshigwana kombinga yevi, omvo gwayi Kansla goshikandjohololo shoka Vilho Nuunyango okwali  a kumagidha aashingithi yomavi, ya kale taye ga kutha ko kule nomagumbo. 

‘’Oshikandjohogololo she tu oshina omahala ga mbwalangandja ogendji, ngoka taga vulu oku kuthwa omavi, okuyanda omaupyakadhi gafa ngoka ga holokeke nale, ngaashi oku hanagula omagumbo gaantu,” ta ti ngaaka.

Nuunyango okwali a popi ta ti, okukutha omavi okweeta omawupyakadhi ogendji, noga pumbwa oku indikwa. 

“Kandi na uupyakadhi nomavi taga kuthwa, oshoka ohage tu kwathele wo nomavi goku tunga, naa shoka kutya Oniipa opo tayi ende tayi humu komeho,” ta popi ngaaka.

–  vkaapnda@nepc.com.na


2022-01-18  Victoria Immanuel

Share on social media