WINDHOEK - Aaniilonga yokoshiputudhilo shopombanda shedhina Unam moshilongo mboka ya li ya ningi omasiku ye li mekanka osho ya shuna kiilonga sho ya adha etsokumwe pokati koshiputudhilo noshowo ehangano lyaaniilonga  ndyoka lye ya kalela po.

 Aaniilonga mbaka oya li ya kala mekanka uule wethimbo lyiiwike iyali yuudha nomasiku sho ya tindi okulonga iinakugwanithwa yawo sigo omakemo gawo ga adhika noga gwanithwa.
Mbaka oya li ya hala okugwedhelwa noopelesenda hamano nuumvo e taya pewa woo iimaliwa yomagwedhelo ngoka okuza komwedhi gwomagwedhelo moshilongo.

Ihe nonando shoka ya li taya kondjele kondandalunde hasho lela sha ningwa shoka sha tokolwa po oye shi zimina nangashingeyi oya shuna kiilonga Etiyali lyoshiwike shika.

Shika osha li sheya poluhayela sho omushangwalombo gwa andjagakanekwa maatoolinkundana  ngoka gwa shayinwa KuEdwin Tjiramba ngoka a kalelepo Unam  naBarbara Van der Westhuizen ngoka  e lile po aaniilonga a za kehanagano lyedhina Napwu naNantu.

Omushangwa ngoka ogwa hokolola kutya aaniilonga mbaka otaya ka futwa oshiluku shimwe shiimaliwa yoondjambi dhawo shi thike poopelesanda ntano uule woomwedhi heyali.

Aniwa oshiluku shoka otashi futwa lumwe ashike momasiku sho taga ka kala ge li omulongo 14 gaDecemba nuumvo.
Ihe mbika aniwa nayi futwe kaaniilonga aayehe ya unam noshowo mboka ya adhika ye li miilonga ethimbo lyezimino ndika.
Mbaka woo oya li ya uvanekwa kutya nuumvo itaku ka kala we omagwedhelo gokomuvo ashike ngoka taga ka kala ko ogoopelesanda hamano ndhoka tadhi ka gandjwa omumvo tagu ya okutameka muJanuali.

Ayihe mbyoka oyali ya zimina na enkanka ndyoka olya li lyahulu omaandaha gwoshiwike shika.
Momukanda ogwo tuu ngoka omwa ziminwa kutya omusindalandu gwaaniilonga ngoka hagut i kutya ngele inolonga ito futwa otagu yi miilonga omasiku ngoka ge                                                                                                                                                li omulongo 11.

“Aaniilonga mboka inaya longa omasiku ngoka ngeno itaya futwa nena otaga ningwa po omasiku gomafudho gwokomumvo , mboka yeli monkalo ndjoka itayi shi pitike nena omasiku ngoka otaga ka nanwa koondjambi dhawo muule woomwedhi dhi li ntano,” osho sha ziminwa kiiputudhilo mbika pehala lyaaniilonga .

Okwa li wo kwa tokolwa kutya aaniilonga mboka ya kutha ombinga mekanka ndika uule womasiku omashona inaga thika komasiku ge li 11, omasiku gawo naga nanwe ko koondjambi dhawo uule woomweedhi dhi li ndatu.
Ashike ekanka ndika olya li                                                                                                                                              lya ya

moshipala iilonga oyindji koshipudhilo shopombanda ngaashi okupititha iizemo yomakonaakono gaanasikola noshowo okupata oongulu dhomambo moka olundji hamu ilongelwa kaanasikola pethimbo lyomakonaakono.