New Era Newspaper

New Era Epaper
Icon Collap
...
Home / Aanilonga yaMTC ya yambidhidha aakongi yiilonga niikulya moWindhoek

Aanilonga yaMTC ya yambidhidha aakongi yiilonga niikulya moWindhoek

2021-07-22  Victoria Immanuel

Aanilonga yaMTC ya yambidhidha aakongi yiilonga niikulya moWindhoek

Aanilonga yehangano lyokwaandjaneka omakwatathano lyoMTC okupitila moprogalama yoku kwathela aantu yeli moompumbwe, Omandaaha oya piti taya yambidhidha aakongi yiilonga niikulya.

Aalumentu haya kala taya kongo iilonga poositopa oshowo pomarobota moWindhoek, ye vule 100 oya li ya ningi aanelago sho yali pewa kehe gumwe okakiti  kiikulya.

Omupopiliko gwoMTC Erasmus Nekundi okwa fatulula kutya ehangano lyawo olyi na oprogalama ndjoka hayi iyambelwa kaanilonga kehe omwedhi, ya totwa po okukwathelwa aantu yeli monkalo tayi yemateke. 

“Otwa li twa dhidhilike ompumbwe yaalumentu mboka haya piti ongula, taya ka kalela oositopa taya  kongo iilonga, nelalakano lyoku tula omboloto poshitafula opo tu ya tsakanenaka ondjilakati nomayambidho ngoka,” ta ti ngaaka.

Ta ti, iikulya ayihe mbyoka okwali ya kosho ongushu yiimaliwa N$40 000, ya gwongelwa kaanilonga.

“Ooprogalama ndjoka oya totwa po kaanilonga, okukwathela kehe ngoka a taalela omaudhigu ga yooloka muNambia alihe,” ta ti ngaaka.

Nekundi okwa ti, okwali ya dhingoloka oWindhoek ayihe, taya gandja kehe mpoka pwa gongala aakongi yiilonga.

Ta ti, Ngoka ta kondjo na yambidhidhwe, opo a kale e na omukumo oshowo kaa sholole okugwanithapo ehala lye.

“Aalumentu mboka otwa li twe ya totha mo okuya yambidhidha oshoka otaya ulike kutya oyeli mompumbwe yiilonga, okwi iyambidhidha yo yene, ina ya hala okwi ininga oonyala oonde,” ta popi ngaaka.

Ta gweudha po ta ti, ohaya kala ya kalela oositopa ya tegelela kehe ngoka teya po, ta kongo omuniilonga, yo taya pewa oshimaliwa esiku ndyoka, omanga yamwe haya mono iilonga yawo yaaluhe.

Micheal Nuunyango gwomolukanda Havana, ngoka gumwe naye a li a pewa okashako kiikulya esiku mbyoka okwa ti, okwa li a penduka ongula yoshilumentu oshoka okwa lalele ondjala.

“Onda li nda penduka esiku ndyoka tandi yi ndi ka thikame naalumentu yakwetu, pamwe tandi mono po omboloto yokulya esiku ndyoka. Sho haku ti Kalunga iha dhipagelwa oyana, okwa li nda ningi omunelago,” ta hokolola.

Ta ti, okwali a kwatelwa maalumentu mboka ya pewa iikulya onga epandulo lyoku nkondja.

“Otandi kumaigidha kehe ngoka keena shoka ta tula poshitaafula sho kulya nena, a thikame a kambadhale nakehe shoka ta vulu, Pamba ota kwatha ashike, “ ta kumagidha.


2021-07-22  Victoria Immanuel

Share on social media