Aantu yeli 1 991 oya si moshilongo ashihe momvo gumwe coCovid-19.
Omwalu ngoka okwali gwa gandjwa kuuministeli wuuhaku sho wali wadhimbulukwa esiku ewinayi, sho omukithi gwoCovid-19,
faalela omwenyo gwo tango momasiku 10 July omvo gwayi.
Minista guuhaku nonkalo nawa Kalumbi Shangula okwa ti, aantu oyendji oya lopotwa taya hulithele momagumbo.
“Shoka otashi holoka oshoka, oyendji inaya hala okuthika kiipangelo, opo ya ka mono omakwatho,” ta ti ngaaka.
Ta gwedhapo ta ti, ota indile moshigwana shi kale aluhe tashi ka konga uuhaku kiipangelo yili popepi uuna yuuvite kaa yeli nawa.
Aantu yethike poomilliona ine, ooya si komukithi gwoCoid-19 muuyuni awihe, omanga naNamibia alopota aantu ye vule 100 000 ya kwatwa komukithi ngoka.
Shangula ta ti, moowili 24 dha piti aantu yeli 1 496 oya lopotwa ya kwatwa komukithi gwoCovid-19 mwakwatelwa omukulupe gwomimvo 111. “Momwaalu gwaantu ayehe mboka ya kwatwa komukithi ngoka omwakwatelwa aalongwa yeli 183, aalongi yeli 42 oshowo aanilonga mendiki lyuundjolowele yeli 34,” ta ti ngaaka. Ta ti, oopelesenta dhokuaaluka odha shuna pevi, sigo opoopelesenta 75.
Shangula ta ti, aantu ye vule 581 oye li miipangelo naantu ye li 103 yo muyo, oye li kiifudhitha.
“Omukithi gwoDelta ogwa monika moshitopolwa shaKohomas, no tagu fekelwa pena ompito gwataandela sigo okiitopolwa yilwe moshilongo,” Minista ta ti ngaaka.
Taku magidha ta ti, kehe ngoka ta kiiyuva keeli nawa, naye koshipangelo mbala oshoka omukithi ngoka ogwanika oshipoka no tagu dhipaga aantu meendelelo. “Sigo ompaka aantu ye li 25 636, oya kolelekwa ya kwatwa komukithi gwoCovid-19,” ta popi ngaaka.
Omukithi ngoka gwoDelta ka guna omadhidhiliko ga faathana no makuthikuthi gwocorona yo tango, ihe nguka opena ompito wu kale iinomona omadhidhiliko gasha nenge gamwe ga ili.
“Ondishi oku yelitha kutya omaso ngoka gaantu yeli omugoyi ya si koCovid-19 oshiwike sha ziko, ya li ya wendwa oshikando sho tango, ka pena nando ogumwe gwo muyo asi shinasha notuntila,” ta fatulula. “Otuntila otayi kwathele noonkondo. Kehe ngoka a tuntilwa oshikando sho tango, na tsikile opo amaneko iikando ayihe a kale eli megameno,” ta ti ngaaka.
Minista ota tsikile okukumagidha oshigwana shi tsikile okugwanithapo oompango nomalandulathano oshowo okulongitha ikeelelitho ayihe, okukeelela omukithi ngoka.