New Era Newspaper

New Era Epaper
Icon Collap
...
Home / Aantu ye na oCovid-19 ya kola po 200

Aantu ye na oCovid-19 ya kola po 200

2020-07-01  Loide Jason

Aantu ye na oCovid-19 ya kola po 200

Namibia ngashiingeyi oku li  e na eyikwatopomutima sho  oshilongo shi na aantu ya konda po 200 yoCovid-19, omwaalu ogwa londa pombanda unene moshitopolwa shErongo  shoka sha etitha nokuli omwaalu gu indjipale noonkondo nangashiingeyi ogwa thika ma piipotha 203.
Kalumbi Shangula minista guundjolowele, ezulo nonkalonawa, okwa tseyitha kutya Namibia oku na aantu ye li 203 nomwaalu ogundji ngoka gwa kwatwa kombuto ndjoka oogwaakiintu mboka ye na uunona noshowo mboka kaye na unene moshitopolwa shErongo.
Okwa ti oshitopolwa shoka ngashiingeyi omu na ondoolopa ndjoka oyo tayi dhana onkandangala ngele tashi ya mokwaandjaganeka omukithi ngoka shedhina Ombaye.

“Ngashingeyi Ombaye oyi na iipotha oyindji nookondo e taku landula nduno ondoolopa yedhina Swakopmund,” osho Shanghula a hokolola ngaaka.

Okwati kutya miipotha mbyoka ya lopotwa ongula yEtiyali  yi li iheyali aakiintu oye li yahamano omanga omulumentu gumwe.
Shangula okwa hokolola kutya aakiintu ayehe mboka okwa li ye na omandhindhiliko gomukithi ngoka ashike omulumentu ke na omandhindhiliko ngoka nangashiingeyi ayehe mboka ye na omandhindhiliko oyi ikalekelwa noye li moonkalo tadhi eta omeya.
 Minista okwa li woo a hokolola kutya  aavu ye li 24 oya aluka komukithi ngoka na ngashiingeyi omu na ashike iipotha yi li 179 mbyoka oyo tayi mono omakwatho mokwiikalekelwa opo ya vule oku mona ekwathelo oku yela kombuto ndjoka.

Shangula okwa li woo a hokolola kutya oshitopolwa shaShana namo woo omu na oshiponga shomukithi ngoka sho omunasikola posikola yaMweshipandeka a konaakonwa ombuto ndjoka e ta monika e yi na.
Okwa hokolola kutya posikola ndjoka ngashiingeyi opuna aanasikola yane ya ikalekelwa pomahala gwokwiikalekelwa moshitopolwa moka, nomakonaakono guuministeli mboka otaga tsikile.

Moshitopolwa shaZambezi namo woo omwa monika oshiponga shimwe noshowo moshitopolwa 
shaHardap. 


2020-07-01  Loide Jason

Tags: Khomas
Share on social media