New Era Newspaper

New Era Epaper
Icon Collap
...
Home / Aantu ye vulithe po1 750 otaya pangwa omeho

Aantu ye vulithe po1 750 otaya pangwa omeho

2024-05-16  Victoria Immanuel

Aantu ye vulithe po1 750 otaya pangwa omeho

Oshikondo shuuhaku moshitopolwa shOtjozondjupa melongelokumwe noprogalama yi na na sha nokukeelela eposipalo oshi li metifa moshipangelo shaGrootfontein okupanga aamvu yomeho ye li 450 ya za kiitopolwa Kunene, Omaheke oshowo momundhingoloko gOtjozondjupa.

Aantu mbaka ayehe oya tsika. 

Oprogalama ndjoka ya kwatelwa komeho komundohotola kapyoko gwomeho Helena Ndume otayi yi sigo omasiku 17 gaMei nuumvo notayi ka tsikila omwedhi tagu ya koRundu hoka taku ka pangwa aantu ye li 700 oshowo kEngela hoka kwa tegelewa aantu ye li 600 ya galulilwe omeho.  

Oprogalama ndjoka otayi ka tsikile kiitopolwa Oshana nOshikoto moomwendhi dha landula ko.

Ndume oku li pamwe noondohotala dhomeho dha za koshipangelo Central koWindhoek oshowo aaiyambi ya za ko koGermany oshowo United States.

“Oshinakugwanithwa shetu, opo ngoka ta vulu okumona ko a mone ko, sho shoka ta u longo nuudhiginini okuyambidhidha mboka ya pumbwa omakwatho getu,” ta ti ngaaka. 

Okwa pandula omayambidhidho gaayiyambi mboka taye ya yambidhidha okukwashilipaleka kutya oprogalama ndjika oya gwanitha po shoka ya lalakanena.

Ndume okwa ti, aayiyambi mboka oya zi kokule niikwathitho yawo kaape na eyambidhidho lyoshimaliwa sha sha.

“Omolwohole neyambidhidho, otaya iyambele aavali yetu  opo ya vule okumona ko,” ta ti ngaaka.  

Ngoloneya gwoshitopolwa shOtjozondjupa James Uerikua okwa ti omwaalu ogundji gwaantu taya galulilwa omeho ogwa zi komahala hoka kwaa na iipangelo, onkene oya longitha ompito ndjika. 

-vkaapanda@nepc.com.na


2024-05-16  Victoria Immanuel

Share on social media