New Era Newspaper

New Era Epaper
Icon Collap
...
Home / Aapindiki momatala gaNgwediva oya hala okulanditha ondhungo

Aapindiki momatala gaNgwediva oya hala okulanditha ondhungo

2024-05-15  Correspondent

Aapindiki momatala gaNgwediva oya hala okulanditha ondhungo

Charles Ndeumane 

 

ONGWEDIVA - Aalandithi momatala gaNgwediva oya hala elelo lyondoolopa li ya pitike ya landithe omalovu oshoka ohageeta aalandi.

Elelo lyondoolopa yaNgwediva olya hulitha po elanditho lyiikolitha momatala molwa omilandu ndhoka dha li dha tulwa po opo ku kondjithwe etaandelo lyomukithi gwo Covid-19, ashike shika ina shi lundululwa natango nande omukithi gwo Covid-19 ogwa shuna pevi lela.

Aalandithi unene tuu yokapana ota ya ti yamwe yomu yo oye na uuthemba woku landitha omalovu, ihe uuthmeba mboka onkene wa kuthilwe po inawu galuka we. 

Yamwe otaya fekele kutya melelo lyondoolopa omuna oohandimwe taya fuka po aalandi pomatala nomukala ngoka, oshoka oya hala aalandi ya ye koongeshefa dhawo ndhoka dhi li popepi nomatala. Ashike Kashihakumwa okwa ti ke wete mu na uushili moshinima shika, ashike elelo ota li keshi konaakona.

Omupopiliko pakathimbo melelo lyondoolopa yaNgwediva Penda Kashihakumwa okwa lombwele oshifokundaneki shika kutya elanditho lyiikolitha momatala ina li pitikwa koveta yoshilongo yinasha nelanditho kiikolitha, kakele ngele omulandithi ena omukanda pitiko  gwomalandithilo, ngoka e wete kutya uutala owundji womalandithilo inawu gwanitha po shoka sha pumbiwa opo wu pewe omukanda ngoka. 

Kashihakumwa okwa ti nande aalandithi otaya nyenyeta kutya momatala goondoolopa ngaashi Ondangwa nOshakati ohamu landithwa iikolitha, naya tseye kutya uutala owundji ohaushi ningi shaali paveta. 

“Omutumba ogwa li gwa ningwa pokati kaalandilithi nelelo lyondoolopa moka aalandithi ya gandja omundakemo gwawo kelelo. Momutumba moka elelo lyondoolopa olya adha etsokumwe naalandithi opo ku hogololwe omulandithi gumwe alandithe iikolitha manga elelo tali talulula omalundu ngoka, oshoka aalandithi kaya li yeshi uvitile nawa momatala mwaana omalovu nande okashona,” Kashihakumwa ta ti.

mrndeumaneraycharles@gmail.com


2024-05-15  Correspondent

Share on social media