Victoria Kaapanda
Aapolisi naya kale taya longitha elandulathano lyopambili uuna taya manga aayoni, oshoka kehe omuntu ke na ondjo omanga inaayi monika kompangu.
Kakukutu komatanga gopolisi yaNamibia Sabastian Ndeitunga okwa kumagidha aapolisi ya kale taya manga aayoni nenge oshigwana momukalo gu li nawa oshowo nombili.
‘’Shika otandi shi popi konima twa lopotelwa kutya ope na aapolisi mboka haya longitha oonkondo dhiilonga sha pitilila, ihe kasha li mondjila,” ta popi ngaaka.
Ta ti, aapolisi oya mona omandheulo nkene ye na okugwanitha po iilonga yawo, shoka ye na okuninga naashoka kaaye na okuninga.
“Otandi kumagidha wo natango oshigwana nasho shi simaneke aapolisi uuna taya longo iilonga yawo. Esimaneko pokati komupolisi nomukwashigwana olya pumbiwa,’’ ta kumagidha ngaaka.
Ndeitunga ta ti, oshigwana nashi hulithe po okulwitha aapolisi, oshoka ope na mboka haya ti, itaya sindwa kaapolisi nondando kaye na ontseyo kutya aapolisi oya mona omadhewulo ngele tashi ya kiiningwanima yi li ngaaka.
Ta gwedha po kutya aapolisi naya kale taya gamene oshigwana, uuna pe na uupyakadhi oshowo okugamena inima yawo yi hanagulwe po, kwaamboka yoonyala oonde.
“Oshinakugwanithwa shaapolisi, uuna aafuthi ya hanagula po omaliko go shigwana, oshoka iilonga yawo okukeelela uupyakandhi mboka wu holeke.
Ndeitunga natango okwa kumagidha oombanga moshilongo dhi tidhe aanilonga taya longele kumwe naafuthi.
“Otwa ndhindhilike kutya aafuthi ohaya lopotelwa kaanilonga yomo mbaanga kutya opena gumwe anana oshimaliwa oshindji, opo eshi yugwe kaafuthi,” ta popi ngaaka.
Ta ti, oombanga nadhi longe nuundhinini okutotha mo aanilonga mboka, opo ya lalekwemo miilonga, oshoka otaya teya po oshigwana.
‘’Aanilonga mboka ohaya longele kumwe naafuthi ye li kndje, ko kutya, oye li elyenge okuza meni lyombaanga sigo okondje,” ta fatulula ngaaka.
Ta ti shoka nashi mone ehuulilo.
Ndeitunga okwa li a popi ngaaka konim anuwa ya lopotelwa iipotha oyidji yantu taya ya yugwa iimaliwa kaafuthi konima ya nana imaliwa oyindji moombanga.
– vkaapnda@nepc.com.na