Olutu lwomulumentu gwomimvo dhopokati omuZambia, olwa adhika moBatubaja moshitopolwa shaZambezi  lwa tsuwagulwa oombululu olutu aluhe Omaandaha.
Komanda gwopolisi moshitpopolwa shaZambezi Karel Theron okwa ti, oshiningwanima shoka otaku fekelwa sha holoka mehulilo shiwike, ashike omasiku inaga tseyika nawa, momudhingoloko gwaKatokabukulu.

“Otaku fekelwa omulumentu ngoka a dhipagwa koondjamba oshoka okwali ayi mokuti mOlyomakaya anuwa a ka konga iimuna ye ya ningi esiku ya kana ihe ina monika we oku za esiku ndyoka,” Theron a popi ngaaka.
Theron okwa ti, olutu okwali lwa monika kaakwashigwana Omaandaha. Okwa tongololwa nedhina Katongo Mbongi a yambukile momukunda  Liwili moZambia.
Aakwanezimo ye inaya tseyithilwa, nomakonakono gwopolisi oge li metifa.
Oshiningwanima inaashifaathana, Omukiintu gwomimvo inadhi shiwika omuZambia okwa si omeya omanga omonamati gwomimvo ntano ali a hupithwa sho ya gwile momulonga gwaZambezi, momukunda Lusese moshitopopolwa shaZambezi. Theron okwa popi kutya oshiningwanima shoka osha holoka po 16h20 yomutenya Omandaaha.

“Otwa lopotelwa kutya omukiintu ngoka okwali taya hingi okawato momulonga tagu ithanwa Malewo nomwanamati gwomimvo ntano etaya gwile momeya sho okawato kali katengunuka” Theron ta ti ngaaka.
Ta hokolola ta ti, omukiintu ngoka ahololwa kutya oye Manyando Kamundanda ka kwali ewetike ethimbo ndyoka omonamati ali ahupithwa.
Theron ta ti, olutu okwali lwamonika kaakwanezimo ye sho yali ya ytsikile okulikonga.