Victoria Kaapanda

ONGWEDIVA-Opolisi mOshitopolwa shaShana otayi konaakona oshipotha shonkambadhala yedhipago, moka omulumentu gwomimvo 26 konyala a dhipagwa ku kuume ke sho yali taya kondjele ombiila puundingosho.

Naku monithwa oshiponga oku li moshipangelo shaNanandjokwe, monkalo ohwepo sho a tsuwa nombele kuukume ke Osondaha ya zi ko.

Oshingwanima shoka oshali shaholoka potundu 22h00 yokongulohi pehala lyomanwino momukunda Akuna moshitopolwa shaShana.

“Otakuhokolola kutya aamati mboka oyali taya kondjele ombiila yokunwa. Omulumentu ngoka a li a tsuwa oye anuwa a dhenge kuume ke nongonyo tango, na kuume ngoka okwa pweyamo ombele mondhjato no kumutsa mepepe lyokolumoho, oshowo mombunda,”Aiyambo afatulula.

Omufekelwa moshiningwanima shika okwa mangwa po kopolisi. Okwayambukile momukunda Okaku mOndonga, omanga nakutsuwa a yambukile momukunda Akuna.  

Moshiningwanina inaashifathana, opolisi oyili molukongo lwaafuthi mboka ya yaka po ohauto yoToyota  Corolla Osondaha ya zi ko mOndangwa.

Omugandjimulombo nomugandji gomawuyelele Thomas Aiyambo okwati oshiningwanima shoka oshali sha ningwa potundi 03h00 yokoongula pegumbo lyi li pOkangwena mOndangwa.

“Otaku hokololwa kutya ohauto ndjoka yomondela 2000, oyali ya undulwa tango oshinano shontumba oku za pegumbo opo nawa yi hingwe po. Ohauto ndjoka aniwa oyi na etayiyela limwe eshona kombinga yokolulyo, komagulu gokonima. Oya thanekwa moombuli, kombinga yokonima” Aiyambo ta ti ngaaka.
Ohauto oyi na olwaala olusiliveli yonomola N7422ND. Oyi na oondjila oondudhe kombinga adhihe moosha noyina ongushu N$ 35 000. 

Ngoka ena uuyelele moshinima shoka nenge taka mona uyelele kombinga yohauto ndjoka na ningi ekwatathano nopolisi yopopepi naye.