Onkundana oya ziilile melelo lyopamuthigululwakalo lyOukwanyama, kutya elenga nene lyoshikandjo Efululula ngoka oye wo mwene gwomukunda Onamutayi Amon Sheefa Shipanga okwa hulitha.

Shipanga okuli gumwe gwomomalenga omakulukulu mOukwanyama, mboka ya lela manga oshutunda shoka kwali inaashi mona omukwaniilwa. 

George Nelulu ngoka a li mbushe miilonga gwaShipanga, ye ishewe okwali omunashipundi gwelelo okwa ti, Shipanga okwa si Omandaaha goshiwike sha zi ko mepipi lyomimvo 86.

“Onda longo naShipanga ethimbo ele, okwali omulumentu gomwenyo omwanaawa noha gwanitha po iilonga ye ayihe,” ta tanga ngaaka. 

Ta ti, iya dhimbuluikwa nando uuwinayi, wa ningwa kuShipanga sigo onena.

Shipanga okwali hulithile moshipangelo shaShakati, moka a kala ta ehama ethimbo ele.

– vkaapanda@nepc.com.na