Omudheuli gwoArsenal Mikel Arteta okwa li e wete osipana ye yaagundjuka yu ulika oonkondo sho ya dhenge Bournemouth ndjoka ya li tayi longo nuudhigu mokapale kedhina Vitality Stadium nokuya kedhingoloko lya landula, edhingoloko etitano moka taya ka itaalela noPortsmouth. Osipana yaArteta oya li yu ulike uudhano uuwananwa, noya li ye shi pondola okuya kedhingoloko lya landula sho Bukayo Saka naEddie Nketiah ya li ya tula mo ookoola medhingoloko lyotango. Sam Surridge gwoBournemouth okwa li a lapa ko okoola yimwe komusilo guudhano, ashike paushili Arsenal oye a li ta ti pii muudhano muka.
“Ondi uvite nawa. Onda kala ndi shi kutya uudhano uudhigu notwa dhana lela naadhani yetu mboka aagundjuka,” Arteta ta ti ngaaka. Onda li nda hala okutala sho taya dhana nonda li nda mono iinima oiyindji mbyoka tayi hokitha. Medhingoloko lyotango otwa dhana lela nawa kaaku na we. Oya li ya dhana ngaashi twa li twa dhilaadhila.
 “Otwa li twa dhana noshinakugwanithwa, atu ningi omatokolo omanene nonda li nde shi nyanyukilwa.
Omunamimvo 18 Saka okwa li a patulula ookoola konima sho a pewa etanga ewanawa kuJoe Willock, nontiyali oya li ya tulwa mo kuNketiah mominute 26.
- BBC