Omulumentu gomimvo 33 okwa si sho sho anuwa a indhenge koshithindi pethimbo a gu kondoongi ndyoka a li a londa.

Sha ikolela kepeko lyopolisi, oshiningwanima shoka osha holoka oshiwike sha zi ko momukunda Sikarosompo moshitopolwa shaKavango gokuninginino.

Otaku hokololwa kutya omulumentu ngoka gwendhina Kudumo Petrus Nyango okwa li  pamwe na kuume ke taya hini oondongi. Opolisi oya ti, aalumentu mboka okwa li ya londa kehe gumwe kondongi, omanga ya li taya tindha oondonga mbali dha li komeho gawo.

Ta yi ti pethimbo ndyoka Nyango okwa li agwithwa ko kondoongi, eta gwile kombanda yoshithindi shoka kwa li she mutsu moombati. Otaku hokololwa kutya omanga a li a tegelela ohauto a falwe koshipangelo, okwa li a hulitha. Aakwanezimo ye oya tseyithilwa

– vkaapanda@nepc.com.na