Omuhikingalo gwaUganda ngoka ta kutha ombinga momahogololo gopaupresidente Bobi Wine mEtitano okwa li a ti omatanga gegameno oga li ga lombwele oohotela dhaa mu pitike dhi mu taambe moondoolopa moka ta ningi omahwahwameko, endangalati sho ta kuthathana po napreidente Yoweri Museveni. 

Wine, ngoka edhina lye lyoshili oRobert Kyagulanyi oku li moshilongo ta ningi omahwahwameko a kuthe ko Museveni koshipundi momahogololo ngoka tag aka kala ko muJanuali 14. Museveni, 76, okwa kala koshipundi okuza mo1986.
Uusiku wEtine Wine pamwe nayakwawo oya li ya hingi ya yi koMigera, okandoolopa okashona ke li muumbangalantu waKampala. Wine okwa ti aapolisi oya li ya gandja omalombwelo opo oohotela adhihe kadhi mu taambe ko. “Otwa kala pominkulo dhopate, twa lala moohauto. Moshilongo shetu!!!” Wine osho a li a shanga ngaaka komalungula.