New Era Newspaper

Tafel3
Icon Collap
...
Home / Dj Omzala okwa pumbwa ekwatho

Dj Omzala okwa pumbwa ekwatho

2021-04-15  Victoria Kaapanda

Dj Omzala okwa pumbwa ekwatho
Top of a Page

Martin Nembiya a tseyika nawa nedhina  Dj Omzala, okwa ti, onkalamwenyo ye oya lunduluka noku mu dhigupalela konima sho a tetwa okugulu kumwe kokokulyo mo 2016, sha etithwa komukithi gwosuuka.

Nembiya ota indile ekwatho moshigwana lyokutungilwa okandjugo kopashinanena, ke na iitenda yo ku ikwatelela oshowo okaiyogelo ka longelwa omuntu e na uulema, ke li meni lyegumbo oshoka uunkundi itawu mu pitike we okuthika hoka ku na okandjugo kokondje yegumbo.

“Omolwa unene wolutu lwandje talu vihi ookilogalama 150 nokugulu kwandje hoka nda kanitha kokokulyo, ohandi ende nokatemba,” ta ti ngaaka.

Okandjugo hoka handi longitha oke li kokule negumbo, oometa 12, onkene ohashi kala oshidhigu aluhe okukala te pula omakwatho kaashiinda ya yambidhidhe ndje uuna nda nyengwa okuthika ko,” ta hokolola ngaaka. Dj Omzala ngoka a li a ikolelela mokudhana oongalo nokunyanyudha aantu pomahala ga yooloka okwa ti, onkalo oya lunduluka noshimaliwa kashi po we sha gwana okwiiyambidhidha ye mwene.

“Otandi indile moshigwana kehe ngoka ta vulu okuyambidhidha ndje nakehe shoka e na, kutya oosamende, omavi nenge oshimaliwa,” Omzala ta pula ekwatho moshigwana.

Ta ti, ota ka pandula kehe ngoka te ke mu yambidhidha oshoka oku li lela mompumbwe. 

“Otandi ka longitha uunongo wandje okupandula nokugongaleka ayehe ya kwatha ndje noku ya nyanyudha sho tandi ke ya dhanena oongalo dhopethimbo “lyoClub Fantasy”. Dj Omzala okwa fatulula Club Fantasy ehala kwa li lya simana mOshakati lyomainyanyudho moka a li a tseyikila onga omudhani gwoongalo dhingi.

“Kehe ngoka e na ehalo lyokukwatha ndje okwa manguluka okudhenga konomola yandje 081 250 4933, nenge koonomola dhookuume kandje twa longele pamwe  Dj Punyati 081 2415 654, Dj Remind 081 2424 245 oshowo Jonh Ndume 081 2331 233,” a popi ngaaka. 


2021-04-15  Victoria Kaapanda

Share on social media
Bottom of a page