New Era Newspaper

New Era Epaper
Icon Collap
...
Home / E lidipaa noudiyo

E lidipaa noudiyo

2022-06-21  Festus Hamalwa

E lidipaa noudiyo

Omulumenhu weedula 26 okwa fya eshi vati a nwa oudiyo yemwene sha landula eshi kwali tava tanguna nomukainhu waye 

Oshiningwanima eshi osha ningwa mexuliloshivike kolukanda Tsintsabis modoolopa yaTsumeb.

Nakufya okwa tongolwa oye Hamusira Matheus Mbundu omukalimo womoTsumeb.

Omupopiliko wopolifi moshitukulwa shaShikoto Inspector Ellen Nehale okwa hokolola ta ti kongodi yomulumenhu okwa tuminwa etumalaka la dja komukainhu umwe naashi vati osha ka eta opo va tameke tava tanguna.

Opolifi oya ti eshi va tameka okutanguna omukainhu okwa dja mo monduda ndele tai keumbo.

Konima yefimbo omukainhu okwa ka aluka ashike okwa li a kumwifa eshi a hanga omulumenhu waye ta kungu neenghono a nangala pedu monduda yaye.

Omukainhu okwa lopotela opolifi diva kombinga yoshiningwanima eshi.

Opolifi oya fika ndele tai twala omulumenhu kokapangelo shaTsumeb nokonima yefimbo okwa ka tuminwa koshipangelo eshi shakula.

Opolifi oya hokola tai ti eshi omulumenhu a fika moshipangelo sha kula okwa kala mo ashike okafimbo kanini ye ota xulifa.

Kapena vati omunhu ta fekelwa mekwatafano lefyo laye nomakonakono polifi otaa twikile.

– fhamalwa@nepc.com.na


2022-06-21  Festus Hamalwa

Share on social media