Omulumenhu weedula 42 okwe li mangeleka Etitano lwopotundi 08h00 shaashi vati au difwa nai kefyo lohonda yaye ei ya xulifa konima yoivike ivali.

Omulumenhu okwe li mangelekela neemwiya deenghatu monduda yaye yokunangala meumbo lavo moKatutura moWindhoek.

Nakufya okwa tongolwa oye Tjitjindjeua Kativa omukalimo womoWindhoek.

Omupoliko wopolifi moshitukulwa shaKhomas Warrant Silas Shipandeni okwa hokolola ta ti Kativa vati okwa lombwela ovakwapata vaye kutya ote li kufa omwenyo shaashi okwa uda nai ei omuholike waye a xulifa.

Vati okwa popya ta ti okwa li e hole unene omuholike waye onghee naye ote li kufa ashike omwenyo opo a dule okulandula omuholike waye.

Vati Kativa okwe li xulwa okumonika Etine efimbo lokonguloshi eshi kwa li tava nu ovalodu nakaume kaye.

Opolifi oya hokola tai ti olutu laKativa ole li tuwa kovaneumbo vaye efimbo longula eshi eli meemhango a xulifa nale.

Omakonakono opolifi otaa twikile kombinga yoshikumungu eshi.

Opolifi onghee nga tai twikile nokukunghilila oshiwana opo shi kale tashi ka konga omakwafo kovaxungimwenyo novatafitaongalo ngeege tashi hepekwa konghalo yopamadilaadilo.

– fhmalwa@nepc.com.na