Omupopiliko gwokomisi yomahogololo ECN Vikitoria Hango okwa ti oya ilongekidhila omahogololo ngoka ge li ko ngula.
“Esiku ndyoka olya nuninwa kehe gumwe a kuthe ombinga momahogololo. Otandi indile kehe gumwe a thike pomahala gwokuhogololela kuyele omanga owiili dhokupata inaadhi thika,” Hango  a popi ngaaka.

Ta ti, oosenda otadhi ka patuluka po07h00 yongula ee tadhi ka pata po21h00 yuusiku. Hango ta ti, kape na nando ogumwe ta ka kwathelwa konima yoowili ndhoka.
Omahogololo gaanambelewa taya longo momahogololo oga ningwa ohela noga enda nawa.
Iizemo ayihe yomagololo otayi ka zamo momasiku 26 Novomba nuumvo.
Aahulikwa ya ithikamenapo yamwe ya yi moonkunathana naKundana oya ti, oya ilokekidhila omahogololo ngoka ge li  ko ngula.

Taya ithana oshigwana shi thike poosenda tapu ningilwa omahogololo,   momwaalu ogundji, opo yaka hogolole aaleli ye li mondjila naamboka taya vulu oku eta omalunduluko moonkalamwenyo dhawo.
Omulikwa a ithikamenapo Paulus Nakale ngoka taka kutha ombinga momathigathano  gukaansela moshikandjohogololo shEngela moshitopolwa shaHangwena okwa ti, esiku ndyoka 25 November oye li tegelela no yakala yeli tegelela ethimbo.
“Otwa kala nokuninga iigongi, okuuvuthako aalanduli yetu nkene yena okuhogolola, nomawunawa ta tu keya ningila uuna twa sindina. Otuna omukumo kutya ota tu sindana, omolwa ohokwe yomalunduluko twa hala oku eta miitopolwa yetu.
Nakale okwa kumagidha kehe gumwe ngula, a kale a hogolola oshoka , ewi kehe olina oshilonga.

Natango omulikwa a ithikamenapo gwoshikandjohogololO shaHangwena Rehabeam Tulonga Nghinyengwile okwa ti, ota kumagidha keHe gumwe ena okakalata komahogololo, ngula a thike poosenda mpoka tapu hogololelwa.
“Okuhogolola okuna oshilonga, oshoka otaku thaneke nkene wahala onkalamwenyo yoye yi kale monakuyiwa, sha ikolelela komuleli ngoka toka hogolola ngula,” Nghinyengwile a popi ngaaka.