Elelo lodoolopa yaNgwediva otali ka ondama yohanya koExtension15 kongushu yoshimaliwa sheemilona N$8.

Omupopiliko welelo lodoolopa Jackson Muma okwa hokolola ta ti konhele yoiekelwashi iei otaku ka ya ominino dadja momaumbo eli 310. Mehangano loLarissa Investment olo tali ka longa po oilonga oyo.

Okwa yelife ta ti onhele oya teelelwa opo ikale ya pwa okutunga meemwedi dili
heyali.

“Elelo lodoolopa yaNgwediva oli na oshisho novakalimo lavo, onghee komudingonoko oku ta ku tungwa onhele yonyata ovanhu tava ka pewa omayakulo aeshe pefimbo lokutunga onhele ei,” Muma ta ti.

Muma okwa kunghulila ovakalimo opo va longele kumwe novatungi, opo kukwashipaleke oilonga oya pwa pefimbo ngaashi laudanekelwa.

 “Ohandi indile ovakalimo aveshe a va veli konhele oku ta kutungwa ondama opo va tameke okuninga omaindilo avo oshali, manga oifuta ina i wedelwa,” Muma ta ti.

Okwa denga omufindo ta ti elalakano oku tula odoolopa yaNgwediva pamufika muwa, nokukwashipaleka kutya Ongwediva oi na omayakulo opashinanena.