Victoria Kaapanda
ONGWEDIVA-Nonando pena omahokololo moshigwana kutya efundja olyili li mondjila no tali kanyenga Omusati nOshana kashi shi oshili.
Dhoka odha popiwa komunambelewa omukuluntu gwiikwameya mehangano eyandjakaneki lyomeya moshilongo Namwter Leonard Hango.
Hango moonkundana naKundana okwa ti kakuna efundja lyokutembudha aakwashigwana pomikalo dhawo nuumvo.
Omeya gwomvula onene ndjoka yaloko moAngola ogo ashike gali ga udhitha omulonga omunene gwa Cuvelai sigo okomulonga tagu ithanwa Evale sigo Okunene, “ Hango ta ti ngaaka.
“Omeya gwomvula onene yaloko moAngola, ogo ga piti oku za komilonga dhoka moAngola sigo ga udha oondama dhoka dhili ndatu. Sigo omuundama uushona mboka wuli poongamba dhaNamibia naAngola.
Hango ta ti poonganba mpoka opo nduno pwa zi iishana mbyoka hayi endele omeya gefundja miitopolwa ya yoloka moNamibia, ngoka haga ka tsakanena momulonga gwaOkuma sigo Etosha pan, ngoka ga kaya sigo okoAntantic ocean.
Agwedhapo ta ti momasiku ta geya okwa tengenekwa taku ka za ekuthikuthi enene, ndyoka taku tengengekwa iitopolwa yimwe tayika ninga iihakanwa yefundja moshitopolwa shaMusati.
“Otatu katseyithila akwishigwana ngele ekuthikuthi ndika lyi li popepi, ihe itashi eta nando etembu lyakwashigwana momugumbo gawo”, Hango ayelitha.
Omeya ngoka taga ulikwa muvidio taga tondoka komulonga gwaRuacana, oge li mondjila yago momulonga gwaKunene ngoka hagu tondoka omeya sigo taka kakwatathan nomakwawo koAntlantic ocean.
Aakwashigwana mboka taya katalelelapo omulonga gwaRuacana oya kumagidhwa ya kale kokule nomulonga oshoka omeya ogendji, ota ga vulu oku eta oshiponga lela.