New Era Newspaper

New Era Epaper
Icon Collap
...
Home / Ehangano lyoohi lya yambidhidha OPM noN$350 000

Ehangano lyoohi lya yambidhidha OPM noN$350 000

2022-07-06  Victoria Kaapanda

Ehangano lyoohi lya yambidhidha OPM noN$350 000
Top of a Page

Ehangano lyoohi tali ithanwa Aluta Marine Fishing opamwe nehangano Cadilu Fishing, oga yambidhidha ombelewa yOmupilima (OPM) noshimaliwa N$350 000.

Sha ikolelela komushangwa gwa pitithwa komunambelwa omukuluntu gwokupititha omauyelele mombelewa yomuPilima Rhingo Mutambo, oshimaliwa shoka osha gandjwa okuyambindhindha uuna pe na uudhigu hau holoka ombaandhilila.

Omupilima minista Saara Kuugongelwa, momushangwa moka, okwa pandula omahangano ngoka gaali sho ga yambindhindha ombelewa ye.

“Oshimaliwa shika otashi ka longithwa moshigwana uuna sha adhika komaudhigu ga yooloka, ngoka haga holoka ombaandhilila nohaga pumbwa okukandulwa po meendelelo,” Kuugongelwa ta fatulula ngaaka.

Ta ti, omahangano goohi naga tale oshiholelwa shika, opo nago ga ze momitumba okuyambindhindha oshigwana.

“Natu tsikileni okuyambindhindha oshigwana shetu okupitila momukalo goku gandja omakwatho naashoka shili po,’’ ta kumagidha ngaaka.

Omukuluntu gwehangano lyoohi Aluta Marine fishing(Pty) Trevor Namseb okwa ti, oya koneke omaupyandhi haga holoka unene miitopolwa ngaashi Omusati, Kunene oshowo Erongo.

“Iitopolwa mbyoka, oyo yimwe yomwaambyoka ya li ya adhika kondjala. Yo oyo ya pendulitha omayambindhindho ngaka ga gandjwe kombelewa yomupilima,” ta fatulula ngaaka.

Ta ti, oshinakugwanitha sho mahangano goohi okuyambindhindha oshigwana uuna sha taalela omaupyakandhi ga yooloka.

Ombelewa yomuPilima ohayi kala yina oshinakugwanitha shoku gandja omakwatho go tango uuna oshilongo sha adhika kuupyakandhi wuna okukandulwa po meendelelo.  – vkaapanda@nepc.com.na


2022-07-06  Victoria Kaapanda

Share on social media
Bottom of a page