Konima sho a mana elongo lye kounivesiti, Fatou Badjie 23, okwa li a lombwelwa kukuume ke kombinga yiilonga yi li koLebanon. Kuume ke okwa li e mu lombwele kutya oku na iilonga nangele okwa tokola a ye ko hoka nena ota ka mona ondjambi tayi hokitha. Okwa li a itaala kutya kuume ke okwe mu halela ashike uuwanawa. Onkene ina kwataakwata nokwa tokola a ye koLebanon.

“Onda itaala ashike inaandi pulaapula. Okwe ya nondokumende nonde yi shaina pwaa na omalimbililo,” ta fatulula ngaaka.
Mondokumende Fatou okwa li a itaala a fute D3000  opo kuume ke a longe mo omikanda dhe dhokutuka. Kuye shika osha li ompito onene a kuthe mo ofamili ye molweepo.

“Onda li nda futu oshimaliwa shoka nesiku lya landula okwa eta opasporta novisa yandje.Ayihe oya li kolutenda. Oshiwike sha landula onda ka ya koSengal.

A nyakukwa nokwa li e na etimaumbwile, Fatou okwa li a londo nelomba lyomushindi gwiipilangi oowili dhongula dhomasiku 26 Juni 2014, nokwa li a tuka oshinano shoomaila 3500 okuya koBeirut koLabanon.

 “Onda li nda adha po omunambelewa gwopoongamba ngoka a li a kutha ndje opasporta nokulombwela ndje ndi mu landule. Okwa fala ndje mokangulu okashona moka nda adha mo aakadhona omathele ya za kiilongo ya yoolokathana.”
Kamwe komuukadhona oka lombwele Fatou kutya okwa landithwa po kaantu mboka haya landitha aantu. Fatou okwa li a tila noonkondo nokwa ngwangwana. Okwa lala ondangala ta dhilaadhila kutya oshike tashi ke mu ningilwa esiku lya landula. Ongula sho kwa shi, okwa li a koleke kutya oku li muudhigu wu vule oonkondo dhe.

“Aakiintu yamwe oya li ye ya mo noya tameke oku tu kwataakwata. Gumwe okwa li a ti nandi mu landule. Okwa lombwela ndje kutya okwa landa ndje onkene ngame omupika gwe. Onda tameke tandi yolo oshoka onda luka omashendjo.” Kapwa li mashendjo mpaka nomukiintu okwa li e mu fala koHamra, olukanda lu li moBeirut hoka a li a lombwelwa oompango dhomegumbo.
“Okwa lombwela ndje kutya iilonga yandje okutonatela omusamane gwe ngoka a li e na okaankela.”

Okuyoga omulumentu gwe, oku mu zaleka, oku mu humbata osho wo oku mu pa a lye oyo ya ningi iilonga yaFatou yesiku kehe.
Onda li handi penduka pohamano yongula na kakwa li handi fudha po iilonga ongele shapo omusamane a ka lala. Onda kala ndi na olungwenye. Kanda li ndi shi ngele otandi vulu oku enda mondjila ya tya ngeyi monkalamwenyo yandje.
Sho Fatou a loloka okwa li a lombwele omuhona gwe kutya okwa hala okuya.”Onde mu lombwele kutya okontalaka ndjoka nda Shaina koGambia oya ti otandi ya koLebanon ndi ka longe morestaurant noku mona mo sha shandje shoku ikwathela. Okwa lombwele ndje kutya okwa futa iimaliwa oyindji nonda li ndi oku yi futa ngele onda hala okushuna.

Fatou okwa li a lombwelwa a kale mpoka nando ka li ha mono iiyemo yasha yiilonga ye. Nonkalo ye oya li ya nayipala konima yaashoka. Okwa li he mu tenteke okayaha okapyu kolushi e ta lile kombunda ye hoka, omathimbo gamwe okwa li ha mono omageelo ge vulithe po mpoka. Esiku limwe okwa li a landula omuhona gwe koshipangelo, mokwaahashiwo kutya opwa li pe na ompangela yoku mu fala koshitandlelo.

“Sho twa yi moshipangelo onda li nda tila noonkondo. Okwa lombwele ndje ndi kale omutumba ndi tegelele. Sho nda tegelela, onda kotha na inandi dhimbulukwa we sha. Sho nda penduka onda mono kutya onda li nda tandwa noshiti shanathingo shandje shimwe osha li sha kuthwa mo, shaa li papitikilo lyandje,” Fatou ta ti ngaaka.
Oshe ke ya puuwayela konima yethimbo kutya nani omusamane gwomuhona ngoka ta alukwa  okwa pumbwa oshiti shanatingo shimwe nokwa li a pewa shimwe shaFatou.

Natango onkene tuu Fatou a kala ta li ta pi. Okwa li a mangwa po nokutulwa mondholongo sho a li a tete omuhona gwe nombele sho a li ti igamene. Mondjedhililo okwa kala nokudhengwa nokuningilwa oonkambadhala dhoku mu hepeka paihulo.Konima yoomwedhi 18 mondholongo, okwa li I iyaka mo nokuya kondoolopa yimwe komunkulofuta, okwa li a mono ekwatho komukwati gumwe goohi nokwa li a longa oondokumende dhe nokugalukila koGambia muApilili 2018.