New Era Newspaper

New Era Epaper
Icon Collap
...
Home / Elago oku na ohokwe younamapya

Elago oku na ohokwe younamapya

2021-02-05  Staff Reporter

Elago oku na ohokwe younamapya

Festus Hamalwa

Omunafalama wopetameko oo e na oproject yedina Uhuru na Nakazi ili mEmono moshitopolwa shaShana oku dite etumba eshi e na oikunino yaye mwene. Paulinus Elago wedula 36 no kuli omunafalam oule weedula nhee pafie ota ti oku longa ongaa omunafalama osho oshinima shiwa lela shaashi oshe mu pa omito opo a te po oilonga noku longa oshimaliwa shaye mwene. 
Elago okwa pa ovanhu veli vahetatu oilonga, hava longo moikunino yaye ili ivali.

Elago ota ti ina mona omito opo a ka twikile eli hongo lopombada ashike okwa kufa onghatu opo a okonge omalideulo opo a mone eshiivo lina sha nounamapya yee a ete po oshikunino shaye opo paife ta shi ende nawa. “Onda pandula epangelo eshi la sha keneka nge ondjilakati opo oikunino ya nge i kale tai xumu komesho nawa. Ngeno ka pali omuministeli wounamapya, ngeno oshikunino shange osha eshi osha teka po nale. Onghee ondi udite ounwa  netumba eshi ndili omu nafalama teli longele kuye mwene paife,” Elago ta yelifa. 

Nonande epangelo le mu shakeneka ondjila-kati oku pitila meepolongalama domouministili wounamapya, Elago ota ti okwa taalela eshongo loshimaliwa opo a shiive a lande eepaipi doku takela oimeno yaye. Ta weda po kutya oimeno yaye imwe otai fi shaashi eepaipi domeva inandi wana. 

“Onda pumbwa nodalate ya kula nawa shaashi okadalate aka oka shona unene, ovanhu ohava vake po omapungu ange tava pi tile koshi yodalate,” Elago ta ti. Umwe womovanailonga vaElago wedina Erasmus Shikongo ota hokolola nehafo kutya ota pandula Elago eshi e mu pa oilonga. Shikongo ta twikile ta ti oshikunino shavo otashi ende nawa nonande va taalele omashoongo amwe yoo. Kombinga yoCovid-19, Eramus ota ti ina i ya nande oilonga yomoshikunino shavo moshipala.

Elago ta kwandjangele nokutwa ovanyasha omukumo opo vakufe ohokwe yoku longa moikunino. “Ovanyasha nava konge omakwafo komahangano ayooloka nghee vena oku kwa felwa opo va ya ndjakanene oikunino ihapu moshilongo, Ovanamibia otwa pumbwa oku longa oikulya yetu vene,” Elago ta ti.   Ta weda ko kutya epangelo nali twikile oku kwafela ovanafalama vanini, unene tuu ava veli momumbwe yoshimaliwa opo va lande oilongifo ya pu mbiwa moikunino. “Natu tukulilafaneni omauyele e na sha nefimano lounamapya moshilongo. Ounona nava longwe oshilongwa shounamapya oku tameka pendodo dopedu,” Elago ta ti. 


2021-02-05  Staff Reporter

Share on social media